କାବୁଲ,୧୪ା୫: ତାଲିବାନ ଶାସନ ଅଧୀନରେ ଆଫଗାନିସ୍ତାନ ଏକ ଖରାପ ପର୍ଯ୍ୟାୟ ଦେଇ ଗତି କରୁଛି। ଦେଶର ଅଧାରୁ ଅଧିକ ଜନସଂଖ୍ୟା ବିଶ୍ୱର ସବୁଠୁ ବଡ଼ ମାନବୀୟ ସଙ୍କଟର ସମ୍ମୁଖୀନ ହେଉଛନ୍ତି। ଅଗଷ୍ଟରେ ତାଲିବାନ ଦେଶରେ କ୍ଷମତା ଦଖଲ କରିଥିଲା ଏବଂ ସେହିଦିନଠାରୁ ଅବସ୍ଥା ଆହୁରି ଖରାପ ହୋଇଯାଇଛି।
ଜନସାଧାରଣ ଭୋକରେ ପୀଡ଼ିତ ଏବଂ ଆଫଗାନିସ୍ତାନର ଲୋକମାନେ ନିଜ ପିଲାମାନଙ୍କୁ ଖାଦ୍ୟ ପାଇଁ ବିକ୍ରୟ କରିବାକୁ ବାଧ୍ୟ ହେଉଛନ୍ତି। ଏକ ରିପୋର୍ଟରେ କୁହାଯାଇଛି, ଆଫଗାନିସ୍ତାନ ହେଉଛି ୭ଟି ଦେଶ ମଧ୍ୟରୁ ଗୋଟିଏ, ଯାହା ଖାଦ୍ୟ ସଙ୍କଟର ବିପର୍ଯ୍ୟୟର ସମ୍ମୁଖୀନ ହେଉଛି।
ରିପୋର୍ଟ ଅନୁଯାୟୀ, ଖାଦ୍ୟ-ଚାପଗ୍ରସ୍ତ ସାତୋଟି ଦେଶରେ ଆଫଗାନିସ୍ତାନ, ବୁର୍କିନା ଫାସୋ, ହାଇତି, ନାଇଜେରିଆ, ସୋମାଲିଆ, ଦକ୍ଷିଣ ସୁଦାନ ଏବଂ ୟେମେନ ଅନ୍ତର୍ଭୁକ୍ତ। ଖାଦ୍ୟ ସଙ୍କଟ ଉପରେ ୨୦୧୭ରେ ଗ୍ଲୋବାଲ ରିପୋର୍ଟ ପରଠାରୁ ଏହି ଦେଶଗୁଡ଼ିକ ଖାଦ୍ୟ ସଙ୍କଟର ସମ୍ମୁଖୀନ ହେଉଥିବା ଲୋକଙ୍କ ସଂଖ୍ୟାରେ ସର୍ବାଧିକ ବୃଦ୍ଧି ଘଟିଛି।
ପୁଷ୍ଟିହୀନତା ହେତୁ ହଜାର ହଜାର ଦୁର୍ବଳ ପିଲା ମରିଯିବେ। ଏହି ସମୟରେ ୟୁନିସେଫ୍ ମଧ୍ୟ ଚେତାବନୀ ଦେଇଛି ଯେ, ଦେଶରେ ବ୍ୟାପକ ମାନବୀୟ ସଙ୍କଟ ମଧ୍ୟରେ ଆଫଗାନିସ୍ତାନ ଖାଦ୍ୟ ଅଭାବର ସମ୍ମୁଖୀନ ହେଉଛି। ମିଳିତ ଜାତିସଂଘର ଶିଶୁ ପାଣ୍ଠି (ୟୁନିସେଫ୍) ର ପୁଷ୍ଟିକର ମୁଖ୍ୟ ମେଲାନି ଗାଲଭିନ ଟ୍ବିଇଟରରେ ଏକ ଭିଡିଓ ବାର୍ତ୍ତାରେ କହିଛନ୍ତି, କେବଳ ଆଫଗାନିସ୍ତାନରେ ହଜାର ହଜାର ଅସୁରକ୍ଷିତ ଶିଶୁ ପୁଷ୍ଟିହୀନତାର ଶିକାର ହୋଇପାରନ୍ତି। ସେ ଆହୁରି ମଧ୍ୟ କହିଛନ୍ତି, ପୁଷ୍ଟିହୀନତା ଏବଂ ସ୍ବାସ୍ଥ୍ୟ କର୍ମୀଙ୍କ ଚିକିତ୍ସା ପାଇଁ ବିଶ୍ୱ ଖାଦ୍ୟ ସଂଗଠନ ତୁରନ୍ତ ୨୧ ମିଲିୟନ ଡଲାରର ଆର୍ଥିକ ବ୍ୟବଧାନର ସମ୍ମୁଖୀନ ହୋଇଛି।