କରୋନା ମହାମାରୀ ସମୟରେ ଇଣ୍ଟରନେଟ୍ର ବ୍ୟବହାର ବେଶ୍ ବୃଦ୍ଧି ପାଇଛି। ଆଜିକାଲି ଅଧିକାଂଶ ଲୋକ ସୋସିଆଲ ମିଡିଆରେ ଖାଦ୍ୟ ବ୍ଲଗର୍, ଶିକ୍ଷକ, ଜିମ୍ ବିଶେଷଜ୍ଞ ଆଦି ହୋଇ ଟଙ୍କା ରୋଜଗାର କରୁଛନ୍ତି। ଜର୍ଜିଆ ନାମକ ଜଣେ ଯୁବତୀ ଟଙ୍କା ରୋଜଗାର କରିବା ପାଇଁ ଇଣ୍ଟରନେଟ୍କୁ ଏକ ଅସ୍ତ୍ର ଭାବେ ଗ୍ରହଣ କରିନେଇଛନ୍ତି। ଏଥିରେ ତାଙ୍କର ତରିକା ସମ୍ପୂର୍ଣ୍ଣ ଭିନ୍ନ। ସେ ସୋସିଆଲ ମିଡିଆ ଅନ୍ୟ କିଛି ନୁହଁ କେବଳ ତାଙ୍କ ପାଦର ଫଟୋ ଶେୟାର କରି ଲକ୍ଷାଧିକ ଟଙ୍କା ରୋଜଗାର କରୁଛନ୍ତି।
୨୩ ବର୍ଷୀୟା ଜର୍ଜିଆ ଟଙ୍କା ରୋଜଗାର ପାଇଁ ସୋସିଆଲ ମିଡିଆକୁ ଏକ ମାଧ୍ୟମ ଭାବେ ବାଛି ନେଇଛନ୍ତି। ସେ ଜଣେ ମଡେଲ ଏବଂ ରିସେପ୍ସନିଷ୍ଟ। ଏକ ରିପୋର୍ଟ ଅନୁଯାୟୀ, ସୋସିଆଲ ମିଡିଆ ଜରିଆରେ ଜର୍ଜିଆ ଟଙ୍କା ରୋଜଗାରର ଉପାୟ ଜାଣୁଥିଲେ। ପରେ ତାଙ୍କ ପାଦର ଫଟୋ ଲଗାଇ ଟଙ୍କା ରୋଜଗାର କରିବାର ପଥ ବାଛିଲେ।
ଏହି ମଡେଲ ଜୁନ୍ରେ ବ୍ୟକ୍ତିଗତ ଏକ ପେଜ୍ ସୃଷ୍ଟି କରିଥିଲେ। ଯେଉଁଥିରେ ବର୍ତ୍ତମାନ ୪୫,୦୦୦ରୁ ଅଧିକ ଫଲୋଅର୍ସ ରହିଛନ୍ତି। ଏହି ଆକାଉଣ୍ଟରେ ପାଦର ଫଟୋ ବିକ୍ରି କରି ପ୍ରତି ସପ୍ତାହରେ ୪୩୦୦୦ରୁ ଅଧିକ ଟଙ୍କା ରୋଜଗାର କରନ୍ତି। ତାଙ୍କର ମାସିକ ଆୟ ୧ ଲକ୍ଷ ୭୦ ହଜାର ଟଙ୍କାରୁ ଅଧିକ।
ଜର୍ଜିଆ ତାଙ୍କ ନୂତନ ଚାକିରି ବିଷୟରେ କୁହନ୍ତି, ମୁଁ ସ୍ଥିର କଲି ଏହା ମୋ ପାଇଁ ଏକ ମଜାଦାର ହବି ଏବଂ ଆୟର ଉତ୍ସ ହେବ। ମୁଁ ମଧ୍ୟ ଆଶା କରିଥିଲି ଯେ, ଏହା ମୋତେ କିଛି ରୋଜଗାର ଦେବ। ମୁଁ ସବବେଳେ ଜଣେ ମଡେଲ ହେବାକୁ ଚାହୁଁଥିଲି କିନ୍ତୁ ବାହାରକୁ ଯିବାକୁ ଭୟ କରୁଥିଲି। ଅନ୍ୟପକ୍ଷରେ ନଗ୍ନ ଫଟୋ କିମ୍ବା ଅଶ୍ଳୀଳ ବିଷୟବସ୍ତୁ ବଦଳରେ କେବଳ ମୋର ପାଦର ଫଟୋ ପୋଷ୍ଟ କରିବା ଆରମ୍ଭ କଲି। ଏହା ପରେ ଦେଖିଲି ଲୋକମାନେ ଏହାକୁ ପସନ୍ଦ କରିବାକୁ ଲାଗିଲେ। ଯାହା ମୋତେ ରୋଜଗାର କରିବାରେ ସହାୟକ ହୋଇଛି।