ସେମିଫାଇନାଲ ବନାମ ୨୦୨୫ ଚାମ୍ପିଅନ୍ସ ଟ୍ରଫି ଯୋଗ୍ୟତା: ନ୍ୟୁଜିଲାଣ୍ଡ ଶ୍ରୀଲଙ୍କା ପାଇଁ କର ବା ମର ଅବସ୍ଥା…

ବେଙ୍ଗାଲୁରୁ,୯।୧୧ : ଆଇସିସି ବିଶ୍ୱକପ ୨୦୨୩ ର ୪୧ତମ ମ୍ୟାଚ ଗୁରୁବାର ନ୍ୟୁଜିଲାଣ୍ଡ ଏବଂ ଶ୍ରୀଲଙ୍କା ମଧ୍ୟରେ ବେଙ୍ଗାଲୁରୁର ଚିନ୍ନାସ୍ବାମୀ କ୍ରିକେଟ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ ଉଭୟ ଦଳ ପାଇଁ ଏକ କର ବା ମର ପ୍ରତିଯୋଗିତା। ଯଦି ନ୍ୟୁଜିଲାଣ୍ଡ ଏହି ମ୍ୟାଚ ଜିତେ ତେବେ ଏହା ସହଜରେ ବିଶ୍ୱକପ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିପାରିବ।

ଅପରପକ୍ଷରେ, ଯଦି ଶ୍ରୀଲଙ୍କା ଏହି ମ୍ୟାଚ ଜିତେ, ତେବେ ଏହା ୨୦୨୫ ଚାମ୍ପିଅନ୍ସ ଟ୍ରଫି ପାଇଁ ଯୋଗ୍ୟତା ଅର୍ଜନ କରିପାରିବ। ଏଭଳି ପରିସ୍ଥିତିରେ ଉଭୟ ଦଳ ପାଇଁ ଏହି ମ୍ୟାଚରେ ବିଜୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆଇସିସି ବିଶ୍ୱକପ ୨୦୨୩ ପଏଣ୍ଟ ଟେବୁଲରେ ନ୍ୟୁଜିଲାଣ୍ଡ ବର୍ତ୍ତମାନ ଚତୁର୍ଥ ସ୍ଥାନରେ ରହିଛି।

ଏଭଳି ପରିସ୍ଥିତିରେ ଯଦି କିୱି ଦଳ ଜିତେ, ତା’ହେଲେ ଏହାର ଯୋଗ୍ୟତା ସମ୍ଭାବନା ଯଥେଷ୍ଟ ବୃଦ୍ଧି ପାଇବ। ତେବେ ନ୍ୟୁଜିଲାଣ୍ଡର ଯୋଗ୍ୟତା ମଧ୍ୟ ପାକିସ୍ତାନର ବିଜୟ ଉପରେ ନିର୍ଭର କରିବ।