ହିଞ୍ଜିଳିକାଟୁ,୩ା୯(ଡି.ଏନ୍.ଏ.): ଗଞ୍ଜାମ ଜିଲା ହିଞ୍ଜିଳିକାଟୁରେ ସିନିୟର ଡିଭିଜନ ସିଭିଲ କୋର୍ଟ ଖୋଲିବା ପାଇଁ ରାଜ୍ୟ ଆଇନ ବିଭାଗ ପକ୍ଷରୁ ଶୁକ୍ରବାର ବିଜ୍ଞପ୍ତି ନଂ – ୯୬୫୭ ପ୍ରକାଶ ପାଇଛି । ଏହି କୋର୍ଟଟି ବର୍ତ୍ତମାନ ରହିଥିବା ଜେଏମ୍ଏଫ୍ସି କୋର୍ଟ ପରିସରରେ ଖୋଲାଯିବ। ଏହି ସିନିୟର ଡିଭିଜନ ସିଭିଲ କୋର୍ଟ ଅଞ୍ଚଳ ଜୁନିଅର ଡିଭିଜନ କୋର୍ଟର କ୍ଷେତ୍ରାଧିକାର ସହ ସମାନ ରହିବ। ଏହି କୋର୍ଟ ଏଠାରେ ପ୍ରତିଷ୍ଠା ପାଇଁ ସ୍ଥାନୀୟ ଓକିଲ ସଂଘ ପକ୍ଷରୁ ଦାବି ହୋଇ ଆସୁଥିଲା। ସିନିୟର୍ ଡିଭିଜନ ସିଭିଲ କୋର୍ଟ ପ୍ରତିଷ୍ଠା ହେବା ଫଳରେ ସ୍ଥାନୀୟ ଅଞ୍ଚଳର ଲୋକଙ୍କ ଦଓ୍ବୋନୀ ମାମଲାଗୁଡ଼ିକ ନିଜ ଅଞ୍ଚଳରେ ତ୍ୱରାନ୍ବିତ ନ୍ୟାୟ ପ୍ରଦାନ ହେବ ବୋଲି ଓକିଲ ସଂଘ ପକ୍ଷରୁ ଆଶା ପ୍ରକାଶ ପାଇଛି।
