ଭୁବନେଶ୍ୱର ବ୍ୟୁରୋ,୩।୧୨: ବରିଷ୍ଠ ଖବରଦାତା ତଥା ଗାନ୍ଧୀବାଦୀ ବୈଷ୍ଣବ ଜେନାଙ୍କ ପରଲୋକ ଘଟିଛି। ଶନିବାର ଭୋରରୁ ହୃଦ୍ଘାତରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି। ମୃତ୍ୟୁବେଳକୁ ତାଙ୍କୁ ୬୫ ବର୍ଷ ହୋଇଥିଲା। ତାଙ୍କ ଘର ଯାଜପୁର ଜିଲା ବରି ବ୍ଳକ ମନ୍ଦାରୀ ପଞ୍ଚାୟତ ବେଞ୍ଜରାପୁର ଗ୍ରାମରେ। ସେ ଭୁବନେଶ୍ୱର ୟୁନିଟ-୩ସ୍ଥିତ ସରକାରୀ କ୍ୱାର୍ଟର୍ସରେ ରହୁଥିଲେ।
ସେ ମାତୃଭାଷା, ନ୍ୟାୟବତୀ ଏବଂ ଶ୍ରୁତି ପ୍ରମୁଖ ଖବରକାଗଜରେ ସାମ୍ବାଦିକତା କରିଥିଲେ। ତେବେ ସେ ବିଧାନସଭା ସାମ୍ବାଦିକ ଭାବେ ସମସ୍ତଙ୍କ ପ୍ରିୟଭାଜନ ହୋଇପାରିଥିଲେ। ଏପରିକି ବିଧାନସଭାର ଟିକିନିଖି ଖବର ସଂଗ୍ରହ କରିବାରେ ସେ ସିଦ୍ଧହସ୍ତ ଥିଲେ।
ବୈଷ୍ଣବଙ୍କ ଆକସ୍ମିକ ବିୟୋଗ ଖବର ପାଇ ବହୁ ବରିଷ୍ଠ ଖବରଦାତା ଶୋକ ପ୍ରକାଶ କରିବା ସହ ଗଣମାଧ୍ୟମ ପାଇଁ ବୈଷ୍ଣବଙ୍କ ମୃତ୍ୟୁ ଏକ ଅପୂରଣୀୟ କ୍ଷତି ବୋଲି ମତପ୍ରକାଶ କରିଛନ୍ତି।
