ନୂଆଦିଲ୍ଲୀ,୨୯।୮: ପୂର୍ବ ଭାରତର ସର୍ବବୃହତ ସଂଗଠିତ ଗହଣା ରିଟେଲର ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡ୍ସ ପକ୍ଷରୁ ଅନ୍ଲାଇନ୍ ସୁନା କାରବାର ପ୍ଲାଟ୍ଫର୍ମ ଡିଜି ଗୋଲ୍ଡ ପାଇଁ ସୌରଭ ଗାଙ୍ଗୁଲିଙ୍କୁ ନେଇ ପ୍ରସ୍ତୁତ କରାଯାଇଥିବା ନୂଆ ଅଭିଯାନ ସମ୍ପର୍କରେ ଘୋଷଣା କରାଯାଇଛି। ଏପରିକି ୨୦୧୫ପରଠାରୁ ସେନ୍କୋର ବ୍ରାଣ୍ଡ୍ ଆମ୍ବାସାଡର ଭାବେ ସୌରଭ ସାମିଲ ହୋଇଛନ୍ତି। କମ୍ପାନୀର ଉକ୍ତ ଅଭିଯାନରେ ସୌରଭଙ୍କ ଅଭିନୀତ ୩ଟି କୌତୁକିଆ ସିନେମା ପ୍ରସ୍ତୁତ କରାଯାଇଛି। ଏପରିକି ତାଙ୍କୁ ତିନିଟି ଚରିତ୍ରରେ ମଧ୍ୟ ଦେଖିବାକୁ ମିଳିବ। ସୁନା ପାଇଁ ତାଙ୍କ ମୋହ ଓ ସେ ଶେଷରେ କିଭଳି ପରିସ୍ଥିତି ସାମ୍ନା କରୁଛନ୍ତି ପ୍ରତିଟି ଫିଲ୍ମରେ ତାହା ପ୍ରଦର୍ଶିତ କରାଯାଇଛି।
ଏ ସମ୍ପର୍କରେ ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡ୍ସର ଏମ୍ଡି ଓ ସିଇଓ ଶୁଭଙ୍କର ସେନ୍ କହିଛନ୍ତି,ଡିଜିଟାଲ୍ ପ୍ଲାଟଫର୍ମରେ ଗ୍ରାହକମାନେ ସୁନା କିଣିବା, ରିଡିମ୍ କରିବା ଏବଂ ବିକ୍ରି କରିବା ଲାଗି ବର୍ଷକ ପୂର୍ବେ ମାଇଁ ଡିଜି ଗୋଲ୍ଡ ଡଟ କମ ୱେବ୍ସାଇଟ୍ ଜରିଆରେ ଆମେ ଡିଜି ଗୋଲ୍ଡର ଶୁଭାରମ୍ଭ କରିଥିଲୁ। କେବଳ ବିଭିନ୍ନ ସମ୍ପତି ବର୍ଗରେ ନିବେଶ ନୁହେଁ ବରଂ ଆଗୁଆ ସଂଚୟ ବିଷୟରେ ବହୁତ ଭଲ ଭାବେ ଅବଗତ ଥିବା ନୂଆ ପିଢ଼ିର ଭାରତୀୟଙ୍କୁ ନଜରରେ ରଖି ଏହି ନୂଆ ପିଢ଼ିର ଉପତ୍ାଦ ବିକଶିତ କରାଯାଇଥିଲା। ଏହି ଅଭିଯାନରେ ଆମର ଜାତୀୟ ବ୍ରାଣ୍ଡ୍ ଆମ୍ବାସାଡର ସୌରଭ ଗାଙ୍ଗୁଲିଙ୍କୁ ଭିନ୍ନ ଅବତାରରେ ଡିଜିଗୋଲ୍ଡର ତତ୍କାଳ ନିରବଚ୍ଛିନ୍ନ କାରବାର,ବିଶୁଦ୍ଧ ୨୪କ୍ୟାରେଟ୍ ସୁନା, ସମ୍ପୂର୍ଣ୍ଣ ସୁରକ୍ଷା ଓ ବୀମା ଆଦିର ଲାଭ ଉପରେ ଗୁରୁତ୍ୱାରୋପ କରୁଥିବା ଦେଖିବାକୁ ମିଳିବ। ଆମର ବିଶ୍ୱାସ ରହିଛି ଯେ ଗ୍ରାହକମାନେ ଏହି ଅଭିଯାନକୁ ପସନ୍ଦ କରିବେ ଏବଂ ଆମର ପସନ୍ଦର ଦାଦାଙ୍କ କୌତୁକ ପାର୍ଶ୍ୱକୁ ଦେଖି ସେମାନଙ୍କ ମୁହଁରେ ହସ ଫୁଟିବ। ସେହିଭଳି ସୌରଭ କହିଛନ୍ତି, ଏହି ନୂଆ ଅଭିଯାନକୁ ନେଇ ମୁଁ ମଧ୍ୟ ବହୁତ ଉତ୍ସାହିତ ରହିଛି। ଅନ୍ଲାଇନ୍ରେ ସୁନା କାରବାର କରିବାକୁ ଚାହଁୁଥିବା ଲୋକଙ୍କ ପାଇଁ ଏହା ବେଶ କୌତୁକିଆ ଓ ସୂଚନାଧର୍ମୀ।