ଲଣ୍ଡନ,୨୮।୬: ଆମେରିକୀୟ ଅଭିଜ୍ଞ ମହିଳା ଟେନିସ ତାରକା ସେରେନା ଓ୍ବିଲିୟମ୍ସ ଆସନ୍ତାମାସରେ ଆରମ୍ଭ ହେବାକୁ ଥିବା ଟୋକିଓ ଅଲିମ୍ପିକ୍ସରୁ ଓହରିଯାଇଛନ୍ତି। ଅଲିମ୍ପିକ୍ସ ଅଂଶଗ୍ରହଣ କରିବେ ନାହିଁ ବୋଲି ସେ ରବିବାର କହିଛନ୍ତି। ପୂର୍ବରୁ ସ୍ପେନ୍ ତାରକା ରାଫାଲ ନାଡାଲ ମଧ୍ୟ ଅଲିମ୍ପିକ୍ସରୁ ଓହରିଯିବାକୁ ନିଷ୍ପତ୍ତି ନେଇଥିଲେ। ଓ୍ବିମ୍ବେଲଡନରେ ପୂର୍ବରୁ ଅନୁଷ୍ଠିତ ଖବରଦାତା ସମ୍ମିଳନୀରେ ୩୯ ବର୍ଷୀୟ ସେରେନା ଏ ନେଇ ସ୍ପଷ୍ଟ କରିଛନ୍ତି। ପୂର୍ବରୁ ସେରେନା କିନ୍ତୁ ଅଲିମ୍ପିକ୍ସରେ ବେଶ୍ ସଫଳତା ହାସଲ କରିଛନ୍ତି। ସେ ଓ ତାଙ୍କ ବଡ଼ ଭଉଣୀ ଭେନସ ସିଙ୍ଗଲ୍ସରେ ଗୋଟିଏ ଲେଖାଏ ସ୍ବର୍ଣ୍ଣ ଓ ଡବଲ୍ସରେ ୩ଟି ଲେଖାଏ ସ୍ବର୍ଣ୍ଣ ପଦକ ହାସଲ କରିଛନ୍ତି। ଏଥର ଓ୍ବିମ୍ବେଲଡନରେ ସେ ସଫଳ ହେଲେ ୨୪ଟି ଗ୍ରାଣ୍ଡସ୍ଲାମ ଟାଇଟଲ ହାସଲ କରି ଅଷ୍ଟ୍ରେଲିଆର ମାର୍ଗରେଟ କୋର୍ଟଙ୍କ ବିଶ୍ୱ ରେକର୍ଡର ସମକକ୍ଷ ହେବେ। ୨୦୧୨ ଲଣ୍ଡନ ଅଲିମ୍ପିକ୍ସରେ ସେ ସିଙ୍ଗଲ୍ସରେ ସ୍ବର୍ଣ୍ଣ ପଦକ ହାସଲ କରିଥିଲେ।