ନୂଆଦିଲ୍ଲୀ, ୭ା୧୧ (ପି.ଟି.)-ଭାରତର ପୂର୍ବତନ ଓପନର ଗୌତମ ଗମ୍ଭୀରଙ୍କ ଘରେ ଜଣେ କେହି କରୋନା ସଂକ୍ରମିତ ହୋଇଛନ୍ତି। ପ୍ରତିଷେଧକମୂଳକ ବ୍ୟବସ୍ଥା ସ୍ବରୂପ ସେ ନିଜର କୋଭିଡ୍ ଟେଷ୍ଟ କରିଥିବାବେଳେ ସେଲ୍ଫ ଆଇସୋଲେଶନରେ ରହିଛନ୍ତି। ଏହାକୁ ହାଲୁକା ଭାବେ ନ ନେଇ ସମସ୍ତଙ୍କୁ ସମସ୍ତ କୋଭିଡ୍ ଗାଇଡ୍ ଲାଇନ୍ ମାନି ଚଳିବାକୁ ସେ କହିଛନ୍ତି। ବିଶ୍ୱକପ୍ ବିଜୟୀ ପୂର୍ବତନ ବ୍ୟାଟ୍ସମ୍ୟାନ ବର୍ତ୍ତମାନ ଇଷ୍ଟ ଦିଲ୍ଲୀରୁ ଏମ୍ପି ଅଛନ୍ତି। ୩୯ ବର୍ଷୀୟ ଗମ୍ଭୀର ଭାରତ ତରଫରୁ ୫୮ଟେଷ୍ଟ, ୧୪୭ ଦିନିକିଆ ଏବଂ ୩୭ ଟି୨୦ ଖେଳିଛନ୍ତି। କ୍ରିକେଟ ଛାଡ଼ିବା ପରେ ସେ ରାଜନୀତିରେ ପ୍ରବେଶ କରିଥିଲେ। ୨୦୧୯ ଲୋକ ସଭା ନିର୍ବାଚନ ପୂର୍ବରୁ ସେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ।
