ବାରଙ୍ଗ,୩୦ା୯(ଡି.ଏନ୍.ଏ.):ପ୍ରାଣୀ ଉଦ୍ୟାନ ନନ୍ଦନକାନନର ସିଂହ ସଫାରିରେ ଗୁରୁତର ହୋଇ ଚିକିତ୍ସା ହେଉଥିବା ସିଂହୀ ସୁପ୍ରିୟାର ମଙ୍ଗଳବାର ମୃତ୍ୟୁ ଘଟିଛି। ୨୬ବର୍ଷୀୟ ଏହି ସିଂହୀଟି ଗତ କିଛିଦିନ ହେବ ଅସୁସ୍ଥ ଥିଲା। ଏପରି କି ସେ ଧୀରେ ଧୀରେ ରୁଗ୍ଣ ହୋଇପଡ଼ିବା ସହ ଖାଇବା ମଧ୍ୟ କମାଇଦେଇଥିଲା। ଫଳରେ କର୍ମଚାରୀମାନେ ଦେଖି ଡାକ୍ତରଙ୍କୁ ଜଣାଇବା ପରେ ସଫାରିରେ ହିଁ ତା’ର ଚିକିତ୍ସା ଆରମ୍ଭ ହୋଇଥିଲା। କିନ୍ତୁ ବାର୍ଦ୍ଧକ୍ୟ ଜନିତ କଷ୍ଟକୁ ସହ୍ୟ କରି ନ ପାରି ଶେଷରେ ସୁପ୍ରିୟା ମଙ୍ଗଳବାର ସକାଳେ ମୃତ୍ୟୁବରଣ କରିଥିଲା। ସୁପ୍ରିୟାର ମୃତ୍ୟୁ ପରେ ନନ୍ଦନକାନନରେ ସିଂହ ସଂଖ୍ୟା ହ୍ରାସପାଇ ୧୪ରେ ପହଞ୍ଚତ୍ଛି। ସେଥିମଧ୍ୟରେ ୮ ଅଣ୍ଡିରା, ୪ ମାଈ ଭାରତୀୟ ସିଂହ ଓ ୨ ଆଫ୍ରିକିୟ ସିଂହ ଥିବା ଉପନିର୍ଦ୍ଦେଶକ ବିମଳ ପ୍ରସନ୍ନ ଆଚାର୍ଯ୍ୟ କହିଛନ୍ତି।
