ଶ୍ରୀନଗର,୧୩ ।୨: ପୂର୍ବ ପ୍ରକୃତିରୁ ବାହାରି ପାରୁନି ପାକିସ୍ତାନ । ଜମ୍ମୁ-କଶ୍ମୀରରେ ବାରମ୍ବାର ଆକ୍ରମଣ ଯୋଜନା କରି ଚାଲିଛନ୍ତି ପାକିସ୍ତାନ ଆତଙ୍କବାଦୀ । ହେଲେ ଭାରତୀୟ ସୁରକ୍ଷା ବଳ ଏହାର କଡା ଜବାବ ଦେଇ ଚାଲିଛି । ନିକଟରେ ସୁରକ୍ଷା କର୍ମୀ ଏକ ବଡ ଧରଣର ଆତଙ୍କବାଦୀ ଦଳର ତଥ୍ୟ ସାମ୍ନାକୁ ଆଣିଛି । ଗୁଇନ୍ଦା ସୂଚନା ଅନୁଯାୟୀ ସୁରକ୍ଷାକର୍ମୀ ଅଲ-ବଦ୍ରର ୪ ଆତଙ୍କବାଦୀ ଓ ସେମାନଙ୍କର ୩ ସହଯୋଗୀଙ୍କୁ ଗିରଫ କରିଛନ୍ତି । ଗୁଇନ୍ଦା ସଂସ୍ଥାରୁ ସୂଚନା ମିଳିଥିଲା କି ଅଲ-ବଦ୍ର ସୋପୋରର କିଛି ସ୍ଥାନରେ ପୋଲିସ ଓ ସୁରକ୍ଷାକର୍ମୀଙ୍କ ଉପରେ ଆତଙ୍କବାଦୀ ଆକ୍ରମଣ ଯୋଜନା କରୁଛନ୍ତି । ଏହାପରେ ରାବୁଚା ରଫିୟାବାଦରେ ତଲାସି ଅଭିଯାନ ସମୟରେ ଅଲ-ବଦ୍ରାର ୩ ଆତଙ୍କବାଦୀ ଗିରଫ ହୋଇଥିଲେ । ପଚରା ଉଚରା ସମୟରେ ଏମାନେ ମାନି ଯାଇଥିଲେ କି ଗତ ୨ ବର୍ଷ ହେବ ସେମାନେ ଅଲ-ବଦ୍ରାର ଆତଙ୍କବାଦୀଙ୍କ ସହ ସମ୍ପର୍କରେ ରହିଛନ୍ତି । ସେମାନେ ଆହୁରି ମଧ୍ୟ କହିଛନ୍ତି ପାକିସ୍ତାନ ସ୍ଥିତ ଆତଙ୍କି ହ୍ୟାଣ୍ଡଲର ୟୁସୁଫ ବାଲୌସି ଓ ଖୁର୍ସିଦ ସେମାନଙ୍କୁ ଅଲ-ବଦ୍ରାରେ ଯୁବକଙ୍କୁ ସାମିଲ କରିବା, ସକ୍ରିୟ ଆତଙ୍କବାଦୀଙ୍କୁ ସହଯୋଗ କରିବା ଓ ରଫିୟାବାଦ ସୋପୋରେରେ ଆତଙ୍କବାଦୀ ଗତିବିଧିକୁ ପୁନର୍ଜିବିତ କରିବାକୁ ନିର୍ଦ୍ଦେଶ ମିଳିଥିଲା ।