ଘରର ଅଗଣା ଅଥବା ବଗିଚାର ସୌନ୍ଦର୍ଯ୍ୟ ବଢ଼ାଉଥିବା ଗଛ ଆପଣଙ୍କୁ କାଙ୍ଗାଳ କରିପାରେ। ବାତାବରଣକୁ ଶୁଦ୍ଧ ରଖୁଥିଲେ ହେଁ ବାସ୍ତୁଶାସ୍ତ୍ର ଅନୁଯାୟୀ ସେଗୁଡ଼ିକର ସମ୍ବନ୍ଧ ଭାଗ୍ୟ-ଦୁର୍ଭାଗ୍ୟ ସହ ଜଡ଼ିତ। ଆଜିର ଆଲୋଚନାରେ ସେହିଭଳି ସାତୋଟି ଗଛ ବିଷୟରେ କଥା ହେବା ଯାହା ଦେଖିବାକୁ ସୁନ୍ଦର ହେଲେ ହେଁ ଘର ପାଇଁ ଶୁଭ ନୁହେଁ।
-କଣ୍ଟାଜାତୀୟ ବୃକ୍ଷ: ଘର ହେଉ ଅଥବା କାର୍ଯ୍ୟାଳୟରେ, କଣ୍ଟାଜାତୀୟ ଗଛ ଲଗାନ୍ତୁ ନାହିଁ। ଗୋଲାପକୁ ଛାଡ଼ିଦେଲେ ଆପଣ କାକ୍ଟସ୍ ତଥା ଅନ୍ୟ ଆକର୍ଷଣୀୟ ଦେଖାଯାଉଥିବା ଗଛକୁ କେବେହେଲେ ଲଗାନ୍ତୁ ନାହିଁ।
-ବୋନ୍ସାଇ: ଆଜିକାଲି ବୋନସାଇ ଘରେ ରଖିବାକୁ ଲୋକ ପସନ୍ଦ କରୁଛନ୍ତି। ହେଲେ ଏହାକୁ ଘରେ ରଖିବା ଅଶୁଭ। ପରିବାରସଦସ୍ୟଙ୍କ ପ୍ରଗତିରେ ଏହାବ ାଧା ସୃଷ୍ଟି କରିଥାଏ। ସେହିଭଳି ଘର ଭିତରେ ନାଲି ରଙ୍ଗର ଫୁଲ ଥିବା ଗଛ ଲଗାନ୍ତୁ ନାହିଁ। ଏହାକୁ ଖୋଲା ସ୍ଥାନ ଯେପରିକି ବଗିଚାରେ ଲଗାଇପାରିବେ।
-କଇଁଆ: ଏହି ଗଛ ଦେଖିବାକୁ ସୁନ୍ଦର। ହେଲେ ଏହାକୁ ଘରର ଆଖପାଖରେ ଏହାକୁ ଲଗାନ୍ତୁ ନାହିଁ। ମାନ୍ୟତା ଅନୁଯାୟୀ ଏହି ଗଛରେ ଖରାପ ଆତ୍ମାମାନେ ବାସ କରିଥାନ୍ତି। ଏଣୁ ଯେଉଁଠି ଏହି ଗଛ ରହିଛି, ସେଠାରେ ଘର ନିର୍ମାଣ କରନ୍ତୁ ନାହିଁ।
-ମେହେନ୍ଦି: ଏହି ଗଛ ପ୍ରାୟ ସମସ୍ତଙ୍କ ଘରେ ଥାଏ। କାରଣ ମହିଳାମାନେ ଏହାର ପତ୍ର ବାଟି ହାତରେ ଲଗାନ୍ତି। ଚୁଟିରେ ଲଗାନ୍ତି। ହେଲେ ବାସ୍ତୁ ଅନୁସାରେ ଏହି ଗଛ ଘର ପାଇଁ ଅଶୁଭ।
-ଶୁଖି ଯାଇଥିବା ଗଛ: ଘରେ ଶୁଖି ଯାଇଥିବା ନଚେତ ଝାଉଁଳି ପଡ଼ିଥିବା ଗଛ ରଖନ୍ତୁ ନାହିଁ। ଏହା ଭାଗ୍ୟରେ ବାଧା ସୃଷ୍ଟି କରିଥାଏ।
-କପାସ: ଏହି ଗଛ ଘର ଆଖପାଖରେ ରଖିବା ଉଚିତ ନୁହେଁ। ଏହା ଅଶୁଭ।
– ପଟେଡ୍ ପ୍ଲାଣ୍ଟ: ଘରର କାନ୍ଥକୁ ଆକର୍ଷକ କରିବାକୁ ଯାଇ ଆମେ ଫୁଲ କୁଣ୍ଡ ଝୁଲାଇଦେଇଥାଉ। ତେବେ ଘରର ଉତ୍ତର ଏବଂ ପୂର୍ବ କାନ୍ଥରେ ଏହାକୁ ଲଗାଇବା ଅଶୁଭ।