ତିରୁପାଟ୍ଟୁର,୧୧ା୯: ତାମିଲନାଡୁର ତିରୁପାଟ୍ଟୁର ଜିଲା ଅଧୀନ ନାତ୍ରାମପାଲ୍ଲୀ ନିକଟରେ ସୋମବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଦୁର୍ଘଟଣାରେ ୭ଜଣ ମହିଳାଙ୍କ ମୃତ୍ୟୁ ଘଟିଥିବା ବେଳେ ୧୩ ଜଣ ଆହତ ହୋଇଛନ୍ତି। ୮ ତାରିଖରେ ଜିଲାର ଅମ୍ବୁର ନିକଟବର୍ତ୍ତୀ ଏକ ଗ୍ରାମରୁ ୪୫ ଜଣ ଯାତ୍ରୀ ଦୁଇଟି ଭ୍ୟାନ୍ରେ ବେଙ୍ଗାଲୁରୁ ବୁଲିବାକୁ ଯାଇଥିଲେ।
ସୋମବାର ସେମାନେ ଘରକୁ ଫେରୁଥିବା ବେଳେ ଚେନ୍ନାଇ-ବେଙ୍ଗାଲୁରୁ ଜାତୀୟ ରାଜପଥର ସାଣ୍ଡିଉର ଛକରେ ଗୋଟିଏ ଭ୍ୟାନ୍ର ଟାୟାର ଫାଟିଯିବାରୁ ଡ୍ରାଇଭର ଗାଡ଼ି ଅଟକାଇ ଟାୟାର ବଦଳାଉଥିଲେ। ସେତିକିବେଳେ ଯାତ୍ରୀମାନେ ଓହ୍ଲାଇ ଭ୍ୟାନ ଆଗ ରାସ୍ତାରେ ବସିଥିବା ବେଳେ ଏକ ଦ୍ରୁତଗାମୀ ଟ୍ରକ୍ ଛିଡା ହୋଇଥିବା ଭ୍ୟାନ୍କୁ ଧକ୍କା ଦେଇଥିଲା। ଫଳରେ ଭ୍ୟାନ୍ ଆଗରେ ବସିଥିବା ଲୋକଙ୍କ ଉପରେ ଭ୍ୟାନ୍ ମାଡ଼ିଯାଇଥିଲା। ଫଳରେ ଘଟଣା ସ୍ଥଳରେ ୭ଜଣ ମହିଳା ଯାତ୍ରୀଙ୍କ ମୃତ୍ୟୁ ଘଟିଥିଲା। ଡ୍ରାଇଭର ଏବଂ କ୍ଲିନରଙ୍କ ସମେତ ୧୩ ଜଣ ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡିଛି।