ଦାରିଙ୍ଗବାଡ଼ି,୧୬ା୩(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ିରେ ଇକୋ ରିଟ୍ରିଟ୍ ଚଳିତ ପହିଲାରେ ଶେଷ ହୋଇଛି। ଡିସେମ୍ବର ପହିଲାରୁ ଆରମ୍ଭ ହୋଇଥିବା ଏହି ରିଟ୍ରିଟ୍ ୩ ମାସ ଧରି ଚାଲିଥିଲା। ତେବେ ଏହି ଇକୋ ରିଟ୍ରିଟରୁ ପ୍ରତିଦିନ ବାହାରିଥିବା ପଲିଥିନ, ପ୍ଲାଷ୍ଟକ ଖାଇ ଏକାଧିକ ଗୋରୁଙ୍କ ମୃତ୍ୟୁ ହୋଇଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି। ଏକାଧିକ ଗୋରୁଙ୍କ ଏହି ୩ ମାସ ମଧ୍ୟରେ ମୃତ୍ୟୁ ଘଟିଛି। ୩ ଗୋରୁଙ୍କ ବ୍ୟବଚ୍ଛେଦ କରାଯାଇଛି। ସମସ୍ତ ଗୋରୁଙ୍କ ପେଟରୁ କୁଢ଼ କୁଢ଼ ପଲିଥିନ, ପ୍ଲାଷ୍ଟିକ ବାହାରିଥିବା ବେଳେ ଫୁଡ୍ ପଏଜନ (ଖାଦ୍ୟ ବିଷ)ହୋଇ ମୃତ୍ୟୁ ଘଟିଥିବା ଦାରିଙ୍ଗବାଡ଼ି ଗୋଷ୍ଠୀ ପ୍ରାଣୀଧନ ଡାକ୍ତର ଦୀପକ କୁମାର ପ୍ରଧାନ କହିଛି, ଆହୁରି କିଛି ଗାଈଙ୍କୁ ଚିକିତ୍ସା କରାଯାଇଛି ଏବଂ ଘଟଣାର ତଦନ୍ତ କରାଯାଉଥିବା କହିଛନ୍ତି। ତହସିଲଦାର ଡ. ଅଶୋକ କୁମାର ଦାସ ଘଟଣାସ୍ଥଳ ବୁଲି ଦେଖିବା ସହ ଇକୋ ରିଟ୍ରିଟ୍ରୁ ବାହାରିଥିବା ବର୍ଜ୍ୟବସ୍ତୁ ଶୀଘ୍ର ପୋତିବା ପାଇଁ ନିର୍ଦ୍ଦେଶ ଦିଆଯାଇଥିବା କହିଛନ୍ତି। ଏଭଳି ୨୦୨୨ ମସିହାରେ ମଧ୍ୟ ଇକୋ ରିଟ୍ରିଟ୍ ଯୋଗୁ ଏକାଧିକ ଗାଈ, ବଳଦ ପ୍ଲାଷ୍ଟିକ ଖାଇ ମୃତ୍ୟୁ ହୋଇଥିବା ଅଭିଯୋଗ ହୋଇଛି।
