ଓ୍ବାଶିଂଟନ,୨୩।୨ : ଆମେରିକାରେ ତୁଷା ଝଡ଼ ବିପଦ ବଢ଼ିବାରେ ଲାଗିଛି। ଏହି ଝଡ଼ ପଶ୍ଚିମ ଏବଂ କେନ୍ଦ୍ରୀୟ ରାଜ୍ୟଗୁଡିକରେ ଜାରି ରହିଛି। ଫଳେରେ ସୁରକ୍ଷା କାରଣରୁ ବିମାନ ସେବା ବାଧାପ୍ରାପ୍ତ ହୋଇଛି। ଇତି ମଧ୍ୟରେ ୧୩୦୦ରୁ ଅଧିକ ବିମାନ ବାତିଲ କରାଯାଇଥିବାବେଳେ ୨ ହଜାରରୁ ଅଧିକ ବିମାନ ଉଡାଣ ବିଳମ୍ବ ହୋଇଛି। ବରଫ ଝଡ଼ ଯୋଗୁଁ ଲୋକଙ୍କ ଯିବା ଆସିବା କଷ୍ଟକର ହୋଇପଡିଛି।
ଫେଡେରାଲ ଆଭିଏଶନ ଆଡମିନିଷ୍ଟ୍ରେଶନ (ଏଫଏଏ) ଟୁଇଟ କରି କହିଛି ଯେ ଖରାପ ପାଗ ଯୋଗୁ ଚଳିତ ସପ୍ତାହରେ ମିନେସୋଟା, ଗ୍ରେଟ ଲେକ୍ସ ଏବଂ ଦକ୍ଷିଣ ସମତଳର ଅନ୍ୟାନ୍ୟ ରାଜ୍ୟରେ ବିମାନ ଉଡାଣରେ ବିଳମ୍ବ କିମ୍ବା ବାତିଲ ହୋଇପାରେ।
ଆମେରିକାର ଜାତୀୟ ପାଣିପାଗ ସେବା ଏହାର ପୂର୍ବାନୁମାନରେ କହିଛି ଯେ ଘଣ୍ଟା ପ୍ରତି ଦୁଇ ଇଞ୍ଚ ବେଗରେ ତୁଷାରପାତ ହେବା ସହ ପ୍ରବଳ ପବନ ଉତ୍ତର ସମତଳ ଅଞ୍ଚଳ ଏବଂ ମଧ୍ୟ ମଧ୍ୟ-ପଶ୍ଚିମ ଅଞ୍ଚଳର ଅବସ୍ଥାକୁ ଆହୁରି ଖରାପ କରିପାରେ।