ଭଦ୍ରକ ଅଫିସ,୨୧।୨: ଭଦ୍ରକ ସହରରେ ଖୋଲାଖୋଲି ଚାଲିଥିଲା ଦେହବେପାର। ପୋଲିସ ମୁଖ୍ୟାଳୟର ଅନତି ଦୂର ସହରାଞ୍ଚଳ ଥାନା ଡଗମୁଣ୍ଡସ୍ଥିତ ଏକ ଭଡାଘରେ ଚାଲୁଥିବା ସେକ୍ସ ରାକେଟ ଠାବ ହୋଇଛି। ଘଟଣାରେ ସମ୍ପୃକ୍ତ ୪ ମହିଳାଙ୍କୁ ପୋଲିସ ଅଟକ ରଖିଥିବା ବେଳେଥ ଦୁଇ ପୁରୁଷଙ୍କୁ ଗିରଫ କରିଛି। ଏନେଇ ଥାନାରେ ଏକ ମାମଲା ରୁଜୁ ହୋଇଥିବା ସୂଚନା ମିଳିଛି।
ସୂଚନାଯୋଗ୍ୟ, ଶନିବାର ରାତିରେ ଡଗମୁଣ୍ଡସ୍ଥିତ ଏକ ଭଡ଼ାଘରେ ଅନୈତିକ କାର୍ଯ୍ୟକଳାପ ଚାଲିଥିବା ପୋଲିସକୁ ସୂଚନା ମିଳିଥିଲା। ଖବରପାଇ ଅଚାନକ ପୋଲିସ ଚଢ଼ାଉ କରିବା ବେଳେ ଆପତ୍ତିଜନକ ଅବସ୍ଥାରେ ୪ ମହିଳାଙ୍କ ସମେତ ଦୁଇ ପୁରୁଷଙ୍କୁ ଧରି ଥାନାକୁ ଆଣିଥିଲା। ଚଢ଼ାଉ ବେଳେ ଉକ୍ତ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗରେ ଭଦ୍ରକ ଟାଉନ ପୋଲିସର ଜଣେ ପୂର୍ବତନ ହୋମଗାର୍ଡଙ୍କୁ ମଧ୍ୟ ନେଇ ଆସିଥିଲା। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ୧୫ ଦିନ ହେବ ଏହି ଭଡାଘରେ କିଛି ମହିଳା ରହୁଥିଲେ । ମାତ୍ର ଏହି ଘରକୁ ବହୁ ମହିଳା ଓ ପୁରୁଷ ଯା’ଆସ କରୁଥିଲେ। ସ୍ଥାନୀୟ ଲୋକେ ଉକ୍ତ ଘଟଣାକୁ ସନ୍ଦେହ କରି ଟାଉନ ପୋଲିସକୁ ଖବର ଦେଇଥିଲେ।
