ନୀଳଗିରି,୧୮ା୩(ପ୍ରଶାନ୍ତ କୁମାର ବିଶ୍ବାଳ): ଗାଁ ମଝିରେ ସମସ୍ତଙ୍କ ଅଗୋଚରରେ ଚାଲିଥିଲା ଦେହବ୍ୟବସାୟ। ଗ୍ରାମବାସୀ ଏହା ଜାଣିପାରି ଜଣେ ମହିଳାଙ୍କ ସହ ୪ଜଣ ଯୁବତୀଯୁବକଙ୍କୁ କାବୁ କରିଛନ୍ତି। ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲା ନୀଳଗିରି ଥାନା କେପିଲାଖରାଜ ପଞ୍ଚାୟତ ମଖାପଦା ଗ୍ରାମ ବାଦାମବାଡି ଅଞ୍ଚଳରେ
ଦୀର୍ଘଦିନ ହେବ ଉକ୍ତ ଘରକୁ ବାହାର ଲୋକଙ୍କ ଭିଡ ଜମୁଥିବା ବେଳେ ବଡ ବଡ ଗାଡି ଘର ସାମ୍ନାରେ ଲାଗୁଥିଲା। ଫଳରେ ଗ୍ରାମବାସୀଙ୍କ ଦ୍ୱାରା ଅନେକ ସମୟରେ ଦେହ ବ୍ୟବସାୟ ହେଉଥିବା ଅଭିଯୋଗ ହୋଇଆସୁଥିଲା। ଗ୍ରାମବାସୀ ସନ୍ଦେହରେ ଉକ୍ତ ଘର ଉପରେ ଅତର୍କିତ ଚଢାଉ କରିଥିଲେ। ଅସଂଜତ ଅବସ୍ଥାରେ ଥିବା ୨ ଯୁବକଙ୍କୁ ଧରିବା ସହିତ ଉଭୟଙ୍କୁ ଗୋଟିଏ ଗଛରେ ବାନ୍ଧିବା ପକାଇଥିଲେ।
୨ ଯୁବତୀ ଓ ଜଣେ ମହିଳାଙ୍କୁ ଅଟକ ରଖି ନୀଳଗିରି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚି ୨ ଯୁବତୀ, ମହିଳା ଓ ୨ ଯୁବକଙ୍କୁ ଅଟକ ରଖିବା ସହ ପଚରାଉଚୁରା ଜାରିରଖିଛି। ଦୁଇ ଝିଅ ଭୁବନେଶ୍ବର ଓ ଉଦଳା ଅଞ୍ଚଳର ହୋଇଥିବା ବେଳେ ପୁଅ ଦୁଇଜଣଙ୍କ ମଧ୍ୟରୁ ଜଣେ ବାଲେଶ୍ବର ଓ ଅନ୍ୟ ଜଣେ ଉଦଳାର ବୋଲି ଜଣାପଡିଛି । ନୀଳଗିରି ପୋଲିସ ତିନୋଟି ବାଇକ ଓ ଗୋଟିଏ କାର୍ ଜବତ କରିଛି। ଏନେଇ ନୀଳଗିରି ଥାନାରେ ଏକ ମାମଲା(ନଂ.୮୨/୨୪) ରୁଜୁ କରିଛି। ଯୁବତୀ ଦୁଇ ଜଣଙ୍କୁ ସୁଧାର ଗୃହକୁ ପଠାଇ ଦିଆଯାଇଛି। କିଙ୍ଗପିନ କୁହାଯାଉଥିବା ମହିଳା ଓ ଦୁଇ ଗ୍ରାହକ ଯୁବକଙ୍କୁ ଜେଲ ହାଜତକୁ ପଠାଇ ଦିଆଯାଇଥିବା ପୋଲିସ ପକ୍ଷରୁ ସୂଚନା ମିଳିଛି