ଦେହ ବ୍ୟବସାୟ ଘଟଣାର ପର୍ଦ୍ଦାଫାଶ: କାମ ଦେବା ବାହାନାରେ ଦେହ ବ୍ୟବସାୟରେ ଲଗାଉଥିଲେ

କେନ୍ଦୁଝର,୨୧ା୧(ନରେଶ ଚନ୍ଦ୍ର ପଟ୍ଟନାୟକ): ଆଦିବାସୀ ଅଧ୍ୟୁଷିତ କେନ୍ଦୁଝର ଜିଲାରୁ ଜଣେ ୧୬ ବର୍ଷ ବୟସ୍କା ପିତୃମାତୃହୀନ ନାବାଳିକାଙ୍କୁ ଭୁବନେଶ୍ୱର ଚାଲାଣ କରି ଦେହ ବ୍ୟବସାୟରେ ଲଗାଯାଇଥିଲା। ପୋଲିସ ତାଙ୍କୁ ଉଦ୍ଧାର କରିଥିବା ବେଳେ ସ୍ବେଚ୍ଛାସେବୀ ସଂଗଠନ ପକ୍ଷରୁ କାଉନସେଲିଂ ବେଳେ ଘଟଣାର ପର୍ଦ୍ଦାଫାଶ ହୋଇଛି।
କେନ୍ଦୁଝର ଶିଶୁ ମଙ୍ଗଳ କମିଟିର ହସ୍ତକ୍ଷେପ ପରେ ନାବାଳିକାଙ୍କୁ କେନ୍ଦୁଝରସ୍ଥିତ ମୁକ୍ତାଶ୍ରୟ କେନ୍ଦ୍ରରେ ରଖାଯାଇଛି। ଟାଉନ ଥାନାରେ ଅଭିଯୋଗ ପରେ ପୋଲିସ ୨ ଜଣଙ୍କୁ ଗିରଫ କରି ତଦନ୍ତ ଆରମ୍ଭ କରିଛି।
ଜିଲାରେ ନାବାଳିକା ଚାଲାଣ ଓ ଦେହ ବ୍ୟବସାୟ ଘଟଣା ଏବେ ଆଲୋଡ଼ନ ସୃଷ୍ଟି କରିଛି। ଘଟଣାରେ କେନ୍ଦୁଝର ସହରର ଅନେକଙ୍କ ସମ୍ପୃକ୍ତି ନେଇ ସନ୍ଦେହ ହେଉଛି। ଏହାର ଠିକ୍‌ ତଦନ୍ତ ହେଲେ ମାନବ ଚାଲାଣ ଓ ଦେହ ବ୍ୟବସାୟରେ ନିୟୋଜନ ଘଟଣା ପଦାକୁ ଆସିପାରିବ ବୋଲି ମତପ୍ରକାଶ ପାଇଛି।
ଅଭିଯୋଗ ଅନୁଯାୟୀ, ଏକ ବର୍ଷ ପୂର୍ବେ କେନ୍ଦୁଝର ଜିଲା ତୁରୁମୁଙ୍ଗା ଥାନା କିଆପଡ଼ା ଗ୍ରାମର ରଞ୍ଜିତ ସାହୁ ଓ ସୁୁଶୀଳା ପାତ୍ର ନାବାଳିକାଙ୍କ ଆଈଙ୍କୁ ଭେଟିଥିଲେ। ଘର କାମରେ ସାହାଯ୍ୟ କରିବାକୁ କହି ନାବାଳିକାଙ୍କୁ ଡାକି ନେଇଥିଲେ। ତାଙ୍କୁ ପ୍ରଥମେ କେନ୍ଦୁଝର ସହର ସ୍ପଞ୍ଜ କଲୋନୀରେ ଏକ ଭଡ଼ାଘରେ ରଞ୍ଜିତଙ୍କ ପାଖରେ ରଖିଥିଲେ। ସେଠାରେ ସୁୁଶୀଳା ଓ ତାଙ୍କ ଝିଅ, ପୁଅ ମଧ୍ୟ ରହୁଥିଲେ। ପରେ ରଞ୍ଜିତ ବଳଦେବଜୀଉ କଲୋନୀରେ ଏକ ଭଡ଼ା ଘରକୁ ଯିବା ପରେ ସେଠାରେ ନାବାଳିକା ତାଙ୍କ ସହିତ ରହିଲେ। ସେଠାରେ ରଞ୍ଜିତ ବିଭିନ୍ନ ଲୋକଙ୍କୁ ଘରକୁ ଡାକି ଆଣନ୍ତି। ଉକ୍ତ ବ୍ୟକ୍ତିମାନେ ନାବାଳିକାଙ୍କ ସହ ଯୌନସମ୍ପର୍କ ରଖନ୍ତି।
ଏଭଳି ଦିନକୁ ୫ରୁ ୬ ଜଣ ଲୋକ ଆସନ୍ତି, ଏ ନେଇ ବାରଣ କଲେ ଧମକ ଦିଆଯାଉଥିବା ନାବାଳିକା କହିଛନ୍ତି। କିଛିଦିନ ପରେ ଭୁବନେଶ୍ୱରରୁ ଡଲି ସ୍ବାଇଁ ନାମ୍ନୀ ମହିଳା ମିଲୁ ନାମକ ଯୁବକ ସହ ବଳଦେବଜୀଉ କଲୋନୀ ଆସିଥିଲେ। ନାବାଳିକାଙ୍କୁ ବୋହୂ କରିବାକୁ କହି ଡଲି ସାଙ୍ଗରେ ଭୁବନେଶ୍ୱର ନେଇଯାଇଥିଲେ।
ଭୁବନେଶ୍ୱର ଖଣ୍ଡଗିରି ଅଞ୍ଚଳର ଏକ ବସ୍ତିରେ ରଖିଥିଲେ। ଡଲିଙ୍କ ଘରେ ଆଉ ୩ ଜଣ ଝିଅ ଥିଲେ। ସେଠାରେ ମିଲୁ ନାବାଳିକାଙ୍କ ସହ ଜବରଦସ୍ତ ଶାରୀରିକ ସମ୍ପର୍କ ରଖୁଥିଲେ। ପରେ ଡଲି ଓ ମିଲୁ ଅନ୍ୟ ଲୋକଙ୍କୁ ଡକାଇ ଯୌନ ନିର୍ଯାତନା ଦେଉଥିଲେ। ସେଠାରେ ମଧ୍ୟ ଦିନକୁ ୫ରୁ ୬ ଜଣ ଲୋକ ଆସି ଶାରୀରିକ ସମ୍ପର୍କ ରଖୁଥିଲେ। ଏପରିକି ନାବାଳିକାଙ୍କ ୨ ଥର ଗର୍ଭପାତ କରାଯାଇଛି। ସେଠାରୁ ଜଣେ ଝିଅ ଖସିଯାଇ ପୋଲିସକୁ ସୂଚନା ଦେବା ପରେ ଡିସେମ୍ବର ୧ରେ ଖଣ୍ଡଗିରି ପୋଲିସ ଚଢ଼ାଉ କରି ନାବାଳିକାଙ୍କ ସମେତ ଅନ୍ୟ ଯୁବତୀଙ୍କୁ ଉଦ୍ଧାର କରିଥିଲା। ସେଠାରେ ଏକ ଓପନ ସେଣ୍ଟରରେ ରଖାଯାଇଥିଲା।
ନାବାଳିକାଙ୍କ ଘର କେନ୍ଦୁଝର ହୋଇଥିବାରୁ ଆଇନଗତ ପଦକ୍ଷେପ ନେବାକୁ ଖଣ୍ଡଗିରି ପୋଲିସ କେନ୍ଦୁଝରକୁ ସ୍ଥାନାନ୍ତରିତ କରିଥିଲା। କେନ୍ଦୁଝର ଶିଶୁ ମଙ୍ଗଳ କମିଟିର ହସ୍ତକ୍ଷେପ ପରେ ନାବାଳିକାଙ୍କୁ ଜିଲା ମୁକ୍ତାଶ୍ରୟ କେନ୍ଦ୍ରରେ ରଖାଯାଇଥିଲା। ଏପରିକି ମୁକ୍ତାଶ୍ରୟ କେନ୍ଦ୍ରରୁ ଉକ୍ତ ନାବାଳିକାଙ୍କୁ ନେଇଯିବାକୁ ଅଭିଯୁକ୍ତମାନେ ବହୁ ଉଦ୍ୟମ କରି ବିଫଳ ହୋଇଥିଲେ। ସୋମବାର ମୁକ୍ତାଶ୍ରୟ କେନ୍ଦ୍ର ପକ୍ଷରୁ କାଉନ୍‌ସେଲିଂ ବେଳେ ନାବାଳିକା ଉପରୋକ୍ତ କଳା କାହାଣୀ ବଖାଣିଥିଲେ।
ନାବାଳିକାଙ୍କ ବୟାନକୁ ଭିତ୍ତିକରି ମୁକ୍ତାଶ୍ରୟ କେନ୍ଦ୍ର ପକ୍ଷରୁ ଟାଉନ ଥାନାରେ ଲିଖିତ ଅଭିଯୋଗ କରାଯାଇଥିଲା। ପୋଲିସ ଏକ ମାମଲା(ନଂ. ୪୩/୨୦୨୫) ରୁଜୁ କରିଛି। ଘଟଣାରେ ସମ୍ପୃକ୍ତ ୨ ମୁଖ୍ୟ ଅଭିଯୁକ୍ତ ରଞ୍ଜିତ ସାହୁ ଓ ସୁଶୀଳା ପାତ୍ରଙ୍କୁ ସୋମବାର ରାତିରେ ଗିରଫ କରାଯାଇଛି।  ଟାଉନ ଥାନା ଅଧିକାରୀ ଶ୍ରୀକାନ୍ତ ସାହୁ କହିଛନ୍ତି, ଘଟଣାରେ ୨ ମୁଖ୍ୟ ଅଭିଯୁକ୍ତଙ୍କୁ ଗିରଫ କରାଯାଇ ମଙ୍ଗଳବାର କୋର୍ଟଚାଲାଣ କରାଯାଇଛି। ତଦନ୍ତ ପରେ ଅନ୍ୟମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

Enter your email to get our daily news in your inbox.

All Right Reserved By Dharitri.Com

ଭୋଜି ଖାଇ ୧୦୦ରୁ ଊର୍ଦ୍ଧ୍ୱ ଝାଡ଼ାବାନ୍ତିରେ ଆକ୍ରାନ୍ତ, ଡାକ୍ତର କହିଲେ…

କେସିଙ୍ଗା,୩୧ା୧୨(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକର ବେଲଖଣ୍ଡି ଗ୍ରାମର କଲୋନୀରେ ଏକ ଭୋଜି ଭାତ ଖାଇ ଶତାଧିକ ଝାଡ଼ାବାନ୍ତିରେ ଆକ୍ରାନ୍ତ ହୋଇ କେସିଙ୍ଗା ଗୋଷ୍ଠୀ...

ସୁନ୍ଦରଗଡ଼ରେ ଅଭାବନୀୟ ଘଟଣା, ବାର୍ଷିକ କ୍ରୀଡ଼ାରେ ଦୌଡୁଥିବା ବେଳେ ଟଳିପଡ଼ିଲେ ଛାତ୍ର

ସୁନ୍ଦରଗଡ,୩୧/୧୨(ଜୟ ନାରାୟଣ ମେଣ୍ଡୁଳି): ଆଜି ଅର୍ଥାତ୍ ଡିସେମ୍ବର ୩୧ ତାରିଖ ପୂର୍ବାହ୍ନ ୧୧ଟା ପାଖାପାଖି ସମୟରେ ସୁନ୍ଦରଗଡ ଭବାନୀପୁର ଏକଲବ୍ୟ ମଡେଲ ସ୍କୁଲରେ ଘଟିଛି ଏକ...

ଜରି ଅଖାରେ ଧାନ ନେଲାନି ସୋସାଇଟି, ଚାଷୀ ରାସ୍ତା ଅବରୋଧ କରି…

ବୌଦ୍ଧ,୩୧ା୧୨(ଅଜିତ କୁମାର ବାରିକ): ସୋସାଇଟି ପକ୍ଷରୁ ଜରି ଅଖାରେ ଧାନ ନେବାକୁ ମନା କରାଯିବାରୁ ଏହାର ପ୍ରତିବାଦରେ ଚାଷୀ ରାସ୍ତାରୋକୋ କରିଛନ୍ତି। ସୂଚନା ମୁତାବକ ବୌଦ୍ଧ...

ଆସନ୍ତା ୩ରୁ ୪ ଦିନ ପର୍ଯ୍ୟନ୍ତ କଲବଲ କରିବ କୁହୁଡ଼ି, ୯ ଜିଲ୍ଲାକୁ ଅରେଞ୍ଜ୍‌ ଓ୍ବାର୍ନିଂ

ଭୁବନେଶ୍ୱର, ୩୧ା୧୨: ଗତ କିଛି ଦିନ ହେବ ରାଜ୍ୟରେ ଘନ କୁହୁଡ଼ି ଦେଖାଯାଉଥିବା ବେଳେ ଏପରି ସ୍ଥିତି ଆହୁରି କିଛିଦିନ ଲାଗି ରହିବ । ଏନେଇ...

ଅନ୍ୟ ଧର୍ମର ହୋଇଥିବାରୁ ଗାଁ ଶ୍ମଶାନରେ ସମାଧି ଦେବାକୁ ମନା, ପ୍ରଶାସନ ଉପସ୍ଥିତିରେ…

ପାଟଣା,୩୧ା୧୨(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଡୁମୁରିଆ ପଞ୍ଚାୟତ ବାଇଦବଜାରେ ଡିସେମ୍ବର ୧୬ ତାରିଖ ରାତି ୧୨ଟାରେ ଟିବି ରୋଗରେ ଆକ୍ରାନ୍ତ ହୋଇଥିବା ତଥା...

ପ୍ରକଳ୍ପ କାର୍ଯ୍ୟ ତ୍ୱରାନ୍ବିତ କରିବାକୁ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇ ଜିଲାପାଳ କହିଲେ…

ଧର୍ମଶାଳା,୩୧ା୧୨(ଶିବ ପ୍ରସାଦ ମହାନ୍ତି): ଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ମଙ୍ଗଳବାର ଧର୍ମଶାଳା ବିଧାନସଭା ନିର୍ବାଚନ ମଣ୍ଡଳୀ ଉନ୍ନୟନ କମିଟି ବୈଠକ ବିଳମ୍ବିତ ରାତି ପର୍ଯ୍ୟନ୍ତ ଅନୁଷ୍ଠିତ...

ପରିବହନ ମନ୍ତ୍ରୀଙ୍କ ବଡ଼ ଘୋଷଣା: ପଲ୍ୟୁସନ ଅବଧି ବଢ଼ାଇ କହିଲେ…

ଭୁବନେଶ୍ୱର,୩୧ା୧୨: ପରିବହନ ମନ୍ତ୍ରୀ ପଲ୍ୟୁସନ ସାର୍ଟିଫିକେଟ୍‌ ଅବଧିକୁ ନେଇ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି, ଏହି ଅବଧି ମାର୍ଚ୍ଚ ପର୍ଯ୍ୟନ୍ତ ବୃଦ୍ଧି କରାଯାଇଛି।...

ସୁସ୍ଥ ହେଉଛନ୍ତି ଅଭିଜିତ୍‌ ମଜୁମଦାର: ମେଡିକାଲରୁ ହେବେ ଡିସ୍‌ଚାର୍ଜ

ଭୁବନେଶ୍ୱର, ୩୧।୧୨: ସୁସ୍ଥ ହେଉଛନ୍ତି ସଙ୍ଗୀତକାର ଅଭିଜିତ୍‌ ମଜୁମଦାର। ଆସନ୍ତା ୨/୩ ଦିନ ମଧ୍ୟରେ ଏମ୍ସରୁ ଡିସ୍‌ଚାର୍ଜ ହୋଇପାରନ୍ତି ବୋଲି ଚର୍ଚ୍ଚା ହେଉଛି। ଅଭିଜିତଙ୍କୁ ଚିକିତ୍ସା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri