ଗଞ୍ଜାମ,୧ା୮(ଡି.ଏନ୍.ଏ.)- ରମ୍ଭା ପୋଲିସ ଶୁକ୍ରବାର ବିଳମ୍ବିତ ରାତ୍ରରେ ପାଟ୍ରୋଲିଂ କରୁଥିବାବେଳେ ଜହାମି ନିକଟ ୧୬ନଂ. ଜାତୀୟ ରାଜପଥ ପାର୍ଶ୍ୱ ଏକ ଗୋଦାମରେ ଚଢାଉ କରିଥିଲା। ସେଠାରୁ ୨ ଦେହଜୀବୀଙ୍କୁ ଉଦ୍ଧାର କରିଥିବାବେଳେ ୫ ଗ୍ରାହକଙ୍କୁ ଗିରଫ କରିଛି। ଏକ କାର (ନଂ.ଓଆର୍୦୫ଏକ୍ସ-୦୬୮୧) ଓ ଏକ ବାଇକ (ନଂ.ଓଆର୍୦୨ଏବି- ୯୩୨୩) ସହ ବହୁ ଆପତ୍ତିଜନକ ସାମଗ୍ରୀ ଜବତ ହୋଇଥିବା ଥାନା ଅଧିକାରୀ କୃଷ୍ଣ ଚନ୍ଦ୍ର ସେଠୀ ସୂଚନା ଦେଇଛନ୍ତି।
୫ଜଣ ଗ୍ରାହକ ରମ୍ଭା ହେଲେ ମିଞ୍ଚିନିପାଟଣାର କେ. ବୃନ୍ଦାବନ ରେଡ୍ଡୀ(୨୮), ଡି. ଦଣ୍ଡପାଣି ପାତ୍ର(୨୪), ଏଚ୍. ବାହାଡ଼ା ପଲ୍ଲୀ ଗ୍ରାମର ପପୁ ନାହାକ(୨୩), ପଞ୍ଜାବ ମୋହାଲି ଅଞ୍ଚଳର ମନ୍ଦୀପ ସିଂ(୨୩), ଲୁଧିଆନା ଅଞ୍ଚଳର ଦଲଜିତ୍ ସିଂ(୨୩)। ନଂ.୨୫୧/୨୦ରେ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି।
ପୋଲିସ ଗୋଦାମରେ ଚଢାଉ କରିବାବେଳେ ରାତିର ସୁଯୋଗ ଦେଇ ୨ ଦେହଜୀବୀ ଦୌଡି ପଳାଇବାକୁ ଚେଷ୍ଟା କରୁଥିବା ବେଳେ ଜଣଙ୍କ ଗୋଡରେ ଗଭୀର ଆଘାତ ଲାଗିଛି। ପୋଲିସ ୨ ଦେହଜୀବୀଙ୍କ ସହ ୫ ଜଣ ଗ୍ରାହକଙ୍କୁ କାବୁ କରିବା ସହ ଶନିବାର ଡାକ୍ତରୀ ମାଇନା କରାଇଥିଲା।