କାଲିଫର୍ନିଆ, ୧୭ା୪: ଆମେରିକାରେ ନିଜ ଛାତ୍ରମାନଙ୍କ ସହ ଯୌନ ସମ୍ବନ୍ଧ ରଖିବା ଅଭିଯୋଗରେ ଦୁଇ ଦିନ ଭିତରେ ୬ ଶିକ୍ଷୟିତ୍ରୀ ଗିରଫ ହୋଇଛନ୍ତି। ଏହି ସମ୍ବେଦନଶୀଳ ଘଟଣା ଆମେରିକାରେ ଚର୍ଚ୍ଚାର ବିଷୟ ପାଲଟିଛି। ସଦ୍ୟତମ ଘଟଣା କାଲିଫର୍ନିଆର ଡେନଭିଲେରେ ଘଟିଛି। ଶିକ୍ଷୟତ୍ରୀ ଏଲେନ ସେଲ(୩୮) ଦୁଇଜଣ ନାବାଳକଙ୍କ ସହ ତିନି ଥର ଲେଖାଏ ଶାରୀରିକ ସମ୍ପର୍କ ରଖିଥିବା ଅଭିଯୋଗ ଆସିବା ପରେ ତାଙ୍କ ବିରୋଧରେ ବଳାତ୍କାର ମାମଲା ରୁଜୁ ହୋଇଛି। ଶୁକ୍ରବାର ତାଙ୍କୁ ଗାରାଡ ଡିଷ୍ଟ୍ରିକ୍ଟ କୋର୍ଟରେ ହାଜର କରାଯାଇଥିଲା ା ସେ ଉଡଲନ ଏଲିମେଣ୍ଟାରୀ ସ୍କୁଲରେ ଶିକ୍ଷୟିତ୍ରୀ ଭାବେ କାର୍ଯ୍ୟରତ ଥିଲେ। ତାଙ୍କୁ ଛୁଟିରେ ପଠାଯାଇଛି। ପୂର୍ବରୁ ୩୨ ବର୍ଷୀୟା ଶିକ୍ଷୟିତ୍ରୀ ହିଦର ହେୟାର ଯୌନ ଶୋଷଣ ମାମଲାରେ ଗିରଫ ହୋଇଥିଲେ। ଓକଲାହୋମାର ୨୬ ବର୍ଷୀୟା ଏମଲି ହାନକକଙ୍କୁ ପୋଲିସ ସମାନ ଅଭିଯୋଗରେ ଗିରଫ କରିଥିଲାା ସେ ଓ୍ବେଲଷ୍ଟନ ପବ୍ଲିକ ସ୍କୁଲର ଏକ କୋଠରିରେ ଛାତ୍ରଙ୍କ ସହ ଶାରୀରିକ ସମ୍ପର୍କ ରଖିବାବେଳେ ଧରାପଡିଥିଲେ। ସେ ସ୍ନାପଚାଟରେ ପିଲାଙ୍କ ସହ ଯୋଗାଯୋଗ କରି ଜାଲରେ ଫଶାଉଥିବା ତଦନ୍ତରୁ ଜଣା ପଡିଥିଲା ା ଜଣେ ୧୫ ବର୍ଷୀୟ ଛାତ୍ରଙ୍କ ସହ ଅବୈଧ ସମ୍ପର୍କ ରଖିବା ଅପରାଧରେ ନିଲକଲନ କାଉଣ୍ଟିର ଶିକ୍ଷୟିତ୍ରୀ ଇମା ଡେଲାନି ହାନକକ୍ ଗିରଫ ହୋଇଛନ୍ତି। ସେହିପରି ଡେସମୟନ୍ସ ଲୋଓ୍ବାସ୍ଥିତ କ୍ୟାଥୋଲିକ ହାଇସ୍କୁଲର ୩୬ ବର୍ଷୀୟା ଇଂଲିଶ ଶିକ୍ଷୟିତ୍ରୀ କ୍ରିଷ୍ଟନ ଗାଣ୍ଟ ଛାତ୍ରଙ୍କ ସହ ୫ ଥର ଶାରୀରିକ ସମ୍ବନ୍ଧ ରଖିଥିବା ଅଭିଯୋଗ ହୋଇଥିଲାା ଅନ୍ୟ ଏକ ଘଟଣାରେ ଜେମ୍ସ ମାଡିସନ ସ୍କୁଲର ୩୩ ବର୍ଷୀୟ ଶିକ୍ଷୟିତ୍ରୀ ଆଲି ଖେରାଡମଣ୍ଡ ଅନେକ ମାସ ଧରି ଜଣେ ଛାତ୍ରଙ୍କ ସହ ଶାରୀରିକ ସମ୍ପର୍କ ରଖିଥିଲେ। ଜଣେ ୧୭ ବର୍ଷୀୟ ବାଳକ ସହ ଅବୈଧ ସମ୍ପର୍କ ରଖିବା ଅଭିଯୋଗରେ ପେନ୍ସିଲଭାନିଆରେ ଜାଭେଲିନ ପ୍ରଶିକ୍ଷିକାଙ୍କୁ ପୋଲିସ ଗିରଫ କରିଥିଲା।
