ବଲିଉଡ୍ର ବାଦଶାହ ଶାହରୁଖ ଖାନ ଏବଂ ମିଷ୍ଟର ପରଫେକ୍ସନିଷ୍ଟ ଅମିର ଖାନଙ୍କ ମଧ୍ୟରେ ଭଲ ବନ୍ଧୁତା ଥିବା କଥା କାହାକୁ ଅଛପା ନାହିଁ। ନିକଟରେ ଅମିର ଖାନଙ୍କ ଫିଲ୍ମ ‘ଲାଲ ସିଂ ଚଢା’ରେ ଅତିଥି ଭୂମିକାରେ ଅଭିନୟ ପାଇଁ ରାଜି ହୋଇଥିଲେ ଶାହରୁଖ। ତାହା ପୁଣି ଏକ ସର୍ତ୍ତରେ। ସର୍ତ୍ତଟି ହେଉଛି ଯଦି ଅମିର ତାଙ୍କ ଚରିତ୍ରର ନିର୍ଦ୍ଦେଶନା ଦେବେ ତେବେ ସେ ଫିଲ୍ମ ଅତିଥି ଭୂମିକା ନିଭାଇବେ ବୋଲି ଶାହରୁଖ ରୋକଠୋକ କହିଥିଲେ। ଶେଷରେ ତାହା ହିଁ ହୋଇଥିଲା। ଶାହରୁଖ ଏହି ଛୋଟ ଭୂମିକାରେ ଅଭିନୟ କରିବା ପାଇଁ ଅମିର ତାଙ୍କ ନିର୍ଦ୍ଦେଶକ ସାଜିଥିଲେ। ଯଦିଓ ‘ଲାଲ ସିଂ ଚଢା’ ଫିଲ୍ମର ନିର୍ଦ୍ଦେଶକ ଅଦ୍ୱେତ ଚନ୍ଦନ, କିନ୍ତୁ ଶାହରୁଖଙ୍କ ଚରିତ୍ରର ନିର୍ଦ୍ଦେଶନା ଅମିର ହିଁ ଦେଇଥିଲେ। ଏଥିରୁ ଉଭୟଙ୍କ ବନ୍ଧୁତା ବିଷୟରେ ସ୍ପଷ୍ଟ ବାରି ହୋଇପଡେ। ଶାହରୁଖ ଶେଷଥର ପାଇଁ ୨୦୧୮ରେ ଫିଲ୍ମ ଜିରୋରେ ମୁଖ୍ୟ ଚରିତ୍ରରେ ନଜର ଆସିଥିଲେ।
