ମୁମ୍ବାଇ: ବିଶ୍ୱର ଅନ୍ୟତମ ସୁପରଷ୍ଟାର ଶାହରୁଖ ଖାଁଙ୍କୁ ସମସ୍ତେ ପସନ୍ଦ କରନ୍ତି। ଏହାର କାରଣ ହେଉଛି ଶାହରୁଖଙ୍କୁ ସମସ୍ତେ ନିଜ ସହିତ ଜଡିତ କରି ପାରନ୍ତି। ବଲିଉଡର ଅନ୍ୟତମ ସଫଳ ଅଭିନେତା ତାଙ୍କ ନିକଟରେ ଷ୍ଟାରଡମ ସହିତ ଅନେକ ସମ୍ପତ୍ତି ମଧ୍ୟ ନିଜ ନାମରେ କରିଥିଲେ ମଧ୍ୟ ଅନେକ ସମୟରେ ବିଫଳତାର ସ୍ୱାଦ ଚାଖିଛନ୍ତି। କୌଣସି ବିଫଳତା ପରେ କିପରି ଶାହରୁଖ ଏହାର ସାମ୍ନା କରନ୍ତି ତାହା ଖୁଲାସା କରିଛନ୍ତି।
ଦୁବାଇରେ ଆୟୋଜିତ ଏକ କାର୍ଯ୍ୟକ୍ରମରେ ଶାହରୁଖ ତାଙ୍କର ଅନୁଭୂତି ଶେୟାର କରିଛନ୍ତି ଏବଂ କିପରି ସେ ଏହି ମୁହୂର୍ତ୍ତରେ ନିଜକୁ ସମ୍ଭାଳିବା ସହିତ ଆଗକୁ ବାଢ଼ିଛନ୍ତି। ସେ କହିଛନ୍ତି, “ମୁଁ ଏହା ଅନୁଭବ କରିବାକୁ ଘୃଣା କରେ ଏବଂ ତା’ପରେ ମୁଁ ମୋ ବାଥରୁମରେ ବହୁତ କାନ୍ଦେ। ମୁଁ ଏହାକୁ କାହା ଆଗରେ ପ୍ରକାଶ କରେ ନାହିଁ।”
ତାଙ୍କର ମହତ୍ଵପୂର୍ଣ୍ଣ ପରାମର୍ଶ ପାଇଁ ଜଣା ଶାହରୁଖ କିଛି ଭୁଲ୍ ହେବା ପରେ ପୁନଃବିଚାର କରିବା ବିଷୟରେ କିଛି ଜ୍ଞାନ ଏହି ଅବସରରେ ବାଣ୍ଟିଥିଲେ। “ନିରାଶାର କିଛି ମୁହୂର୍ତ୍ତ ଅଛି କିନ୍ତୁ ଏମିତି କିଛି ମୁହୂର୍ତ୍ତ ଅଛି ଯାହା କୁହନ୍ତି, ‘ନା, ବନ୍ଦ କର, ଉଠ ଏବଂ ଏହା ସହ ଚାଲ’। ତୁମକୁ ଏହା କରିବାକୁ ପଡିବ କାରଣ ଜଗତ ତୁମ ବିରୁଦ୍ଧରେ ନୁହେଁ। କେବଳ ତୁମ ପାଇଁ ଜୀବନ ଆଗକୁ ବଢିଚଲେ।”