ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର ପପୁଲାର ଷ୍ଟାର କିଡ୍ସଙ୍କ କଥା କହିଲେ ସୁହାନା ଖାଁଙ୍କ ନାମ ନିଶ୍ଚିତ ଭାବେ ଆସିବ। ବଲିଉଡ ବାଦଶାହା ତଥା ଯବାନ ଆକ୍ଟର ଶାହାରୁଖ ଖାଁଙ୍କ ଝିଅ ସୁହାନା ସବୁବେଳେ ଲାଇମ ଲାଇଟରେ ରହିଥାଆନ୍ତି। ଖୁବଶୀଘ୍ର ସେ ମଶହୂର ଡାଇରେକ୍ଟର ଜୋୟା ଅଖତରଙ୍କ ଫିଲ୍ମ ‘ଦ ଆର୍ଚିଜ’ରେ ଆକ୍ଟିଂ ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ଯାଉଛନ୍ତି।
ଇତିମଧ୍ୟରେ ସୋସିଆଲ ମିଡିଆରେ ସୁହାନାଙ୍କ ଏକ ଲାଟେଷ୍ଟ ଭିଡିଓ ଭାଇରାଲ ହେବାରେ ଲାଗିଛି। ଭିଡିଓରେ ଦେଖିବାକୁ ମିଳିଛି କି ସୁହାନା ଏକ ଇଭେଣ୍ଟରୁ ବାହାରି ଆସୁଛନ୍ତି। ଏହି ସମୟରେ ସେ ବ୍ଲାକ କଲର ଓ୍ବାନ ପିସ ଡ୍ରେସ ସହ ଗର୍ଜିୟସ ଲୁକରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏତିକି ବେଳେ ତାଙ୍କ ନିକଟକୁ ଜଣେ ଗରିବ ମହିଳା ଆସି କିଛି ମାଗୁଥିବା ବେଳେ ସେ ତାଙ୍କପର୍ସରୁ ଦୁଇଟି ୫ଶହ ଟଙ୍କିଆ ନୋଟ କାଢି ଉକ୍ତ ମହିଳାଙ୍କୁ ଦେଉଛନ୍ତି। ଏହାପରେ ମହିଳାଙ୍କ ଖୁସିର ଠିକାନା ରହୁନି।
ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ସମସ୍ତେ ସୁହାନାଙ୍କର ଖୁବ ପ୍ରଶଂସା କରୁଛନ୍ତି। ସୁହାନାଙ୍କ ଫ୍ୟାନ ତାଙ୍କର ଏହି ଗୁଣକୁ ଦେଖି ତାଙ୍କୁ ଖୁବ ପ୍ରଶଂସା କରୁଛନ୍ତି।