ମୁମ୍ବାଇ: ବଲିଉଡର କିଙ୍ଗ ଖାନ ଶାହାରୁଖଙ୍କ ଫିଲ୍ମ ‘ପଠାନ’, ‘ଜୱାନ’ ଏବଂ ‘ଡଙ୍କି’ବକ୍ସ ଅଫିସ ରେକର୍ଡ ଭାଙ୍ଗିଛି। ୨୦୨୩ରେ ବକ୍ସ ଅଫିସରେ ରାଜ୍ କରିଛି ଏହି ଫିଲ୍ମ। ରାଜକୁମାର ହିରାନୀଙ୍କ ନିର୍ଦ୍ଦେଶିତ ଡଙ୍କି ୨୧ ଡିସେମ୍ବରରେ ସବୁ ଫିଲ୍ମ ହଲ୍ରେ ରିଲିଜ୍ ହୋଇଥିଲା । ଡଙ୍କି କମେଡି-ଡ୍ରାମା-ଇମୋସନାଲର ଫୁଲ୍ ପ୍ୟାକେଜ ଦର୍ଶକଙ୍କୁ ଭରପୁର ଦେଇଥିଲା। ତେବେ ଫିଲ୍ମ ରିଲିଜ ହେବାର ଏକ ମାସରୁ ଅଧିକ ସମୟ ବିତି ଯାଇଥିଲେ ବି ଏହାର ଚର୍ଚ୍ଚା କମିବାର ନା ଧରୁନି ।
ସୂଚନା ଅନୁଯାୟୀ, ଭାରତ ସଂସଦ ପରେ ଏବେ ବ୍ରିଟେନ ସଂସଦରେ ଡଙ୍କି ଫିଲ୍ମ ସ୍କ୍ରିନିଂ ହେବା ନେଇ ଆଲୋଚନା ହେଉଛି। ଫିଲ୍ମର କାହାଣୀ ଲୋକମାନଙ୍କଠାରୁ ବହୁତ ଭଲ ପାଇବା ପାଇଛି । ଏଭଳି ପରିସ୍ଥିତିରେ ଏବେ ଭାରତ ସରକାରଙ୍କ ବ୍ୟତୀତ ବ୍ରିଟେନ ସରକାର ମଧ୍ୟ ଏହି ଫିଲ୍ମ ଦେଖିବାକୁ ବହୁତ ଆଗ୍ରହୀ ଅଛନ୍ତି।
