ବମ୍ବେ: ବଲିଉଡ୍ର କିଙ୍ଗ ଖାନ୍ ଶାହାରୁଖ ଖାନ୍ ଏବଂ ଗୌରୀ ଖାନଙ୍କ ଯୋଡ଼ିକୁ ହିନ୍ଦି ସିନେମାର ସଫଳ ଯୋଡ଼ି ଭାବେ ବିବେଚନା କରାଯାଏ। ଏକ ପାର୍ଟିରେ ଦୁହେଁ ଦୁହିଁଙ୍କୁ ଭେଟିଥିଲେ। ପ୍ରଥମ ଦେଖାରେ ହିଁ ଗୌରୀଙ୍କୁ ହୃଦୟ ଦେଇ ବସିଥିଲେ ଶାହାରୁଖ। ହେଲେ ପ୍ରେମର ରାସ୍ତା ସେତେଟା ସହଜ ନ ଥିଲା। କାରଣ ଶାହାରୁଖଙ୍କୁ ଗୌରୀଙ୍କ ମା’ ଘୃଣା କରୁଥିଲେ। ଏପରିକି ଗୌରୀଙ୍କ ଭାଇ ଶାହାରୁଖଙ୍କ ମୁଣ୍ଡରେ ବନ୍ଧୁକ ରଖି ଭଉଣୀଙ୍କଠାରୁ ଦୂରେଇ ଯିବାକୁ ଧମକ ମଧ୍ୟ ଦେଇଥିଲେ।
ପ୍ରେମକୁ ପାଇବାକୁ ସଂଘର୍ଷ କରିଥିଲେ ଶାହାରୁଖ। ‘ଫୌଜୀ’ ଧାରାବାହିକ ଜରିଆରେ ସେ ନିଜର କ୍ୟାରିୟର ଆରମ୍ଭ କରିଥିଲେ। ଏହା ତାଙ୍କୁ ପରିଚୟ ଦେଇଥିଲା। ହେଲେ ଗୌରୀଙ୍କ ମା’ବାପା ତାଙ୍କୁ ଗ୍ରହଣ କରିବାକୁ ପ୍ରସ୍ତୁତ ନ ଥିଲେ। ଭିନ୍ନ ଧର୍ମର ଥିବା ଯୋଗୁ ଅଡୁଆ ଅଧିକ ବଢ଼ିଥିଲା। ଜ୍ୟୋତିଷଙ୍କୁ ଡକାଇ ସମସ୍ତ ଉପଚାର କରିଥିଲେ ସେମାନେ।
ଅନେକ ବାଧାବିଘ୍ନ ସତ୍ତ୍ୱେ ଗୌରୀଙ୍କ ହାତ ଛାଡ଼ି ନ ଥିଲେ ଶାହାରୁଖ। ସେମାନେ ୧୯୯୧ରେ ବିବାହ କରିଥିଲେ। ଏବେ ଉଭୟଙ୍କ ଦୁଇ ସନ୍ତାନ ରହିଛି। ନିକଟରେ ପୁଅ ଆର୍ୟନ ଡ୍ରଗ୍ସ ମାମଲାରେ ଛନ୍ଦି ହୋଇ ଚର୍ଚ୍ଚାରେ ରହିଥିଲେ।