ରାଗିଲେ ଶାହରୁଖ ଖାଁ, ପଞ୍ଜାବ କିଙ୍ଗ ମାଲିକଙ୍କ ସହିତ ହେଲା ଜୋରଦାର ବାକ୍ଯୁଦ୍ଧ
10 ନୂଆଦିଲ୍ଲୀ,୧।୮: ବୁଧବାର ବିସିସିଆଇ ମୁଖ୍ୟାଳୟରେ ସମସ୍ତ ଫ୍ରାଞ୍ଚାଇଜ ମାଲିକ ମାନଙ୍କ ବୈଠକରେ କୋଲକାତା ନାଇଟ୍ ରାଇଡର୍ସ ମାଲିକ ଶାହରୁଖ ଖାନ୍ ପଞ୍ଜାବ କିଙ୍ଗ ସହ-ମାଲିକ ନେସ୍ ୱାଡିଆଙ୍କ ସହିତ ଜୋରଦାର ବାକ୍ଯୁଦ୍ଧ କରିଥିବା ଏକ ରିପୋର୍ଟରୁ ଜଣ ପଡିଛି। ଖେଳାଳିମାନଙ୍କର ରଟେନସନ ସଂଖ୍ୟାକୁ ନେଇ ଦୁଇ ଜଣଙ୍କ ମଧ୍ୟରେ ସହମତି ହୋଇ ନ ଥିଲା। ଆସନ୍ତା ସିଜିନ୍ ପୂର୍ବରୁ ଶାହରୁଖ ଖାନ ମେଗା ନିଲାମୀ ଚାହୁଁ ନ ଥିଲା ବେଳେ ନେସ୍ ୱାଡିଆ ସମ୍ପୂର୍ଣ୍ଣ ପରିବର୍ତ୍ତନ ଚାହୁଁଥିଲେ। ଏଥିସହିତ ରିପୋର୍ଟ ମୁତାବକ ସମସ୍ତ ଦଳ କମ ଖେଳାଳିଙ୍କ ନିଲାମୀ ପୂର୍ବରୁ ନିଜ ସହିତ ରଖିବାକୁ ପ୍ରସ୍ତାବ ଦେଇଥିଲେ, ଯାହା ଶାହରୁଖ ଖାନଙ୍କୁ ପସନ୍ଦ ଆସି ନ ଥିଲା।
ଏହି ବୈଠକରେ ଦିଲ୍ଲୀ କ୍ୟାପିଟାଲ୍ସର ମାଲିକ କିରଣ କୁମାର ଗ୍ରାଣ୍ଡି, ଲକ୍ଷ୍ନୌ ସୁପର ଜାଏଣ୍ଟସ୍ ର ସଞ୍ଜୀବ ଗୋଏଙ୍କା, ଚେନ୍ନାଇ ସୁପର କିଙ୍ଗ୍ସର ରୂପା ଗୁରୁନାଥ, ସନ୍ ରାଇଜର୍ସ ହାଇଦ୍ରାବାଦର କାବ୍ୟା ମାରାନ୍ ଏବଂ ରାଜସ୍ଥାନ ରୟାଲ୍ସର ମନୋଜ ବାଦଲେ ଯୋଗ ଦେଇଥିଲେ। ମୁମ୍ବାଇ ଇଣ୍ଡିଆନ୍ସର ମାଲିକ ନିତା ଅମ୍ବାନୀ ଭିଡିଓ କନଫରେନ୍ସ ଜରିଆରେ ଯୋଗ ଦେଇଥିଲେ।
ଏହି ବୈଠକରେ ଇମ୍ପାକ୍ଟ ପ୍ଲେୟାର ନିୟମ ଉପରେ ମଧ୍ୟ ଆଲୋଚନା ହୋଇଥିଲା। ଗତ ସିଜିନ୍ ବା ଚଳିତ ବର୍ଷର ଆଇପିଏଲ୍ ପରେ ବହୁ ବରିଷ୍ଠ ଖେଳାଇ ଏହି ନିୟମ ସମ୍ପର୍କରେ ସେମାନଙ୍କର ଅସନ୍ତୋଷ ପ୍ରକାଷ କରିଥିଲେ। ଏପରିକି ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ଏହି ନିୟମ ସହ ଏକମତ ନ ଥିବା କହିଥିଲେ।
ଏହି ନିୟମ 2023 ସିଜିନରେ ଆରମ୍ଭ ହୋଇଥିଲା ଏବଂ ପରିସ୍ଥିତି ଉପରେ ନିର୍ଭର କରି ଟିମ୍ ଗୁଡ଼ିକୁ ଅତିରିକ୍ତ ବିଶେଷଜ୍ଞ ବ୍ୟାଟ୍ସମ୍ୟାନ୍ / ବୋଲର ବାଛିବା ପାଇଁ ଅନୁମତି ଦେଇଥାଏ। ଟି20 ଲିଗ୍ ଇତିହାସରେ ଦଶଟି ସର୍ବୋଚ୍ଚ ସ୍କୋର ମଧ୍ୟରୁ ନଅଟି ଏହି ନିୟମର ପ୍ରବର୍ତ୍ତନ ପରେ ଆସିଛି। ଏହି ନିୟମ ଦ୍ୱାରା ଦଳଗୁଡିକୁ ସ୍ଥିତିକୁ ଦୃଷ୍ଟିରେ ରଖି ଇଛା ମୁତାବକ ଖେଳାଳିଙ୍କୁ ସାମିଲ କରିବାକୁ ସ୍ୱାଧୀନତା ଦେଇଥାଏ।
ଯଦିଓ ଏହି ନିୟମ ଅଧିକ ଭାରତୀୟ, ବିଶେଷକରି ହରାଇ ଖେଳାଳିଙ୍କୁ ପ୍ରକାଶ କରିବା ପାଇଁ ଉଦ୍ଦିଷ୍ଟ ଥିଲା, ତଥାପି ଏହି ଗତ ସିଜିନରେ ଆଂକେ ଖେଳାଳି ଏବଂ ବିଶେଷଜ୍ଞମାନେ ଏହାକୁ ସମାଲୋଚନା କରିଥିଲେ, ”ଭାରତୀୟ ଅଧିନାୟକ ରୋହିତ ଶର୍ମା କହିଥିଲେ ଯେ ସେ ଏହି ନିୟମର ବଡ଼ ପ୍ରଶଂସକ ନୁହଁନ୍ତି କାରଣ ଏହା ଦଳରେ ଅଲରାଉଣ୍ଡର ବିକାଶ କରିବାକୁ ସୁଯୋଗ ଦେଉନାହିଁ, ଯାହା ଭାରତ ପାଇଁ ଟି20 ରେ ଏକ ଗୁରୁତ୍ୱପୂର୍ଣ୍ଣ।”