ମୁମ୍ବାଇ,ଶାହାରୁଖ ଖାନ ନିକଟରେ ଆମେରିକାର ଲସ ଏଞ୍ଜେଲସରେ ଏକ ଶୁଟିଂ ପାଇଁ ଥିଲେ, ଯେଉଁଠାରେ ସେ ଏକ ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ଖବର ଅନୁଯାୟୀ, ଏହା ପରେ ତାଙ୍କୁ ସେଠାରେ ଅସ୍ତ୍ରୋପଚାର ମଧ୍ୟ କରିବାକୁ ପଡିଛି। ଶାହାରୁଖଙ୍କ ନାକରେ ଆଘାତ ହେତୁ ରକ୍ତସ୍ରାବ ଆରମ୍ଭ ହୋଇଥିଲା। ପରେ ତାଙ୍କୁ ସାମାନ୍ୟ ଅପରେଶନ କରିବାକୁ ପଡଥିଲା।
ଶାହରୁଖ ଖାନ ଲସ ଏଞ୍ଜେଲସରେ ଏକ ପ୍ରୋଜେକ୍ଟ ପାଇଁ ଶୁଟିଂ କରୁଥିଲେ, ଯେଉଁଠାରେ ତାଙ୍କ ନାକରେ ଆଘାତ ଲାଗି ରକ୍ତସ୍ରାବ ହୋଇଥିଲା, ଯେଉଁଥିପାଇଁ ତାଙ୍କୁ ଯଥାଶୀଘ୍ର ଡାକ୍ତରଖାନାକୁ ନିଆଯାଇଥିଲା। ଡାକ୍ତରମାନେ ତାଙ୍କ ଦଳକୁ କହିଛନ୍ତି ଯେ ଚିନ୍ତା କରିବାର କିଛି ନାହିଁ। ରକ୍ତସ୍ରାବ ବନ୍ଦ କରିବା ପାଇଁ ଛୋଟ ଅସ୍ତ୍ରୋପଚାର ଆବଶ୍ୟକ ହେବ। ଅପରେଶନ ପରେ ଶାହାରୁଖଙ୍କ ନାକରେ ଏକ ବ୍ୟାଣ୍ଡେଜ ଥିବା ଦୃଶ୍ୟମାନ ହୋଇଥିଲା। ଶାହାରୁଖ ବର୍ତ୍ତମାନ ଭାରତ ଫେରିଛନ୍ତି ଏବଂ ଏହି ଆଘାତରୁ ସୁସ୍ଥ ଅଛନ୍ତି।