![](https://www.dharitri.com/wp-content/uploads/2022/01/Sharukh.jpg)
ମୁମ୍ବାଇ: ବଲିଉଡ ବାଦଶାହା ଶାହାରୁଖ ଖାଁଙ୍କର ଦେଶ ତଥା ବିଦେଶରେ ରହିଛନ୍ତି ଅନେକ ପ୍ରଶଂସକ । ନିକଟରେ ତାଙ୍କର ଜଣେ ବିଦେଶୀ ପ୍ରଶଂସକଙ୍କୁ ସେ ଏକ ବିଶେଷ ଉପହାର ପଠାଇଛନ୍ତି । ପ୍ରଶଂସକ ଜଣଙ୍କ ଜଣେ ଭାରତୀୟ ମହିଳାଙ୍କୁ ସାହାଯ୍ୟ କରଥିଲେ । ସୂଚନାଯୋଗ୍ୟ, ଇଜିପ୍ଟ ମିଶରର ଜଣେ ନାଗରିକ ଅସୁବିଧାରେ ପଡିଥିବା ଜଣେ ଭାରତୀୟ ମହିଳାଙ୍କୁ ସାହାଯ୍ୟ କରିଥିଲେ । ଭାରତୀୟ ମହିଳା ଜଣଙ୍କ ଟେକନିକାଲ ଡିଫଲ୍ଟ ଯୋଗୁ ଟଙ୍କା ଟ୍ରାନସଫର କରିପାରୁ ନ ଥିଲେ ଓ ଟିକେଟ ବୁକ୍ କରିପାରୁ ନ ଥିଲେ । ଇଜିପ୍ଟର ଜଣେ ଏଜେଣ୍ଟ ଉକ୍ତ ମହିଳାଙ୍କୁ ସାହାଯ୍ୟ କରିଥିଲେ । ସେ ପଚାରିଥିଲେ ତୁମେ ଶାହାରୁଖ ଖାଁଙ୍କ ଦେଶର, ସେଥିପାଇଁ ତୁମ ଉପରେ ଭରସା କରୁଛି । ଆଉ ଏବେ ଏହା କାହାଣୀ ହୋଇଯାଇଛି ।
ଏବେ କିଙ୍ଗ ଖାନ୍ ତାଙ୍କର ଏହି ଇଜିପ୍ଟିଆନ୍ ପ୍ରଶଂସକଙ୍କ ପାଇଁ ନିଜର ସାଇନ୍ ଥିବା ଏକ ଫଟୋ ଓ ଏକ ପର୍ସନାଲ ନୋଟ ଲେଖି ପଠାଇଛନ୍ତି । ଅଶ୍ୱିନୀ ଦେଶପାଣ୍ଡେ ନାମକ ମହିଳା ପ୍ରଫେସର ଜଣଙ୍କ ଶନିବାର ଟୁଇଟ୍ କରି ଏହି ସୂଚନା ଦେଇଛନ୍ତି । ମହିଳା ଲେଖିଛନ୍ତି ଶାହାରୁଖ ଖାଁ ଘଟଣାକୁ ଗୁରୁତ୍ୱ ଦେବା ସହ ଉକ୍ତ ପ୍ରଶଂସକଙ୍କ ନିକଟକୁ ଅଟୋଗ୍ରାଫ ଥିବା ଏକ ଫଟୋ ଓ ଏକ ହ୍ୟାଣ୍ଡରିଟିନ ନୋଟ ପଠାଇଛନ୍ତି ।