ମୁମ୍ବାଇ: ବଲିଉଡ୍ ନାୟିକା ତାପସୀ ପନ୍ନୁ ଏବେ ରାଜକୁମାର ହିରାନିଙ୍କ ଫିଲ୍ମରେ ଶାହାରୁଖଙ୍କ ଅପୋଜିଟ୍ରେ ନଜର ଆସିବେ ବୋଲି ଶୁଣିବାକୁ ମିଳିଛି । ଯଦି ଏହା ହେଲା ତେବେ ପ୍ରଥମଥର ଲାଗି ଶାହାରୁଖ ଓ ତାପସୀଙ୍କ ଯୋଡିକୁ ବଡ ପରଦାରେ ଦେଖିବାକୁ ମିଳିବ । ହିରାନିଙ୍କ ଅଗାମୀ ଫିଲ୍ମ ସୋସିଆଲ କମେଡି ଡ୍ରାମା ହେବ ବୋଲି ଜଣାପଡିଛି । ଯାହା ଇମିଗ୍ରେଶନ ଉପରେ ଆଧାରିତ ହେବ । ଶାହାରୁଖ ଏକ ଇମିଗ୍ରେଟ ଚରିତ୍ରରେ ନଜର ଆସିବେ । ଯିଏ ପଞ୍ଜାବରୁ ଆସି କାନାଡାରେ ରହିଥିବେ । ଦର୍ଶକଙ୍କୁ ଏହି ଫିଲ୍ମରେ ପ୍ରଥମଥର ଲାଗି ଶାହାରୁଖ-ତାପସୀଙ୍କ କେମେଷ୍ଟ୍ରି ଦେଖିବାକୁ ମିଳିବ । ମିଳିଥିବା ସୂଚନା ଅନୁଯାୟୀ, ଏହା ୨୦୨୨ରେ ରିଲିଜ୍ ହେବ । ଆଉ ଏହାର ଶୁଟିଂ ଚଳିତ ବର୍ଷ ଜୁନରୁ ଆରମ୍ଭ ହେବ । ଏବେ ହିରାନି ଶୁଟି ପାଇଁ ଜାଗା ଖୋଜୁଥିବା ଜଣାପଡିଛି । ଏହାର ପ୍ରୋ-ପ୍ରଡକଶନ୍ କାମ ଆରମ୍ଭ ହୋଇସାରିଛି । ତାପସୀ ତାଙ୍କ ଆଗାମୀ ଫିଲ୍ ‘ଲୁପ ଲପେଟା’ର ଶୁଟିଂ ଶେଷ କରିଥିବା ବେଳେ ଅନୁରାଗ କଶ୍ୟପଙ୍କ ଫିଲ୍ମ ‘ଦୋବାରା’ର ଶୁଟିଂ ଆରମ୍ଭ କରି ସାରିଛନ୍ତି । ନିକଟରେ ଫିଲ୍ମର ଟିଜର ଅନୁରାଗ ଟୁଇଟ୍ କରିଥିଲେ । ଏହାସହ ଶାହାରୁଖ ତାଙ୍କ ଆଗାମୀ ଫିଲ୍ମ ‘ପଠାନ’ର ଶୁଟିଂରେ ବ୍ୟସ୍ତ ଅଛନ୍ତି ଯାହା ଚଳିତ ବର୍ଷ ରିଲିଜ୍ ହେବାର ଯୋଜନା ରହିଥିଲା । ଏବେ କିନ୍ତୁ ଶୁଣିବାକୁ ମିଳିଛି ଏହା ୨୦୨୨ରେ ରିଲିଜ୍ ହେବ ।