ବଲିଉଡ କିଙ୍ଗ୍ ଖାନ୍ଙ୍କୁ କିଏ ବା ନ ଜାଣେ। ନିଜର ଅଭିନୟ, ଲୁକ୍କୁ ନେଇ ଫ୍ୟାନ୍ସଙ୍କ ହୃଦୟରେ ରାଜ୍ କରନ୍ତି। ତାଙ୍କ ଫିଲ୍ମକୁ ଦେଖିବାକୁ ଦର୍ଶକ ପାଗଳ ହୋଇଯାଆନ୍ତି। ତେବେ ଅଭିନେତା ନଭେମ୍ବର ୨ରେ ତାଙ୍କର ୫୭ ବର୍ଷ ବୟସରେ ପାଦ ଦେବାକୁ ଯାଉଛନ୍ତି। ଏହି ଅବସରରେ ଶାହାରୁଖ୍ଙ୍କ ସୁପରହିଟ୍ ଫିଲ୍ମ ‘ଦିଲୱାଲେ ଦୁଲହନିଆ ଲେ ଜାୟେଙ୍ଗେ’ ବୁଧବାର ପୁନଃ ରିଲିଜ୍ ହେବ। ଫିଲ୍ମର ନିର୍ମାତା ପିଭିଆର, ଆଇନକ୍ସ ଏବଂ ସିନେପଲିସ୍ ଭଳି ପ୍ରେକ୍ଷାଳୟରେ ରିଲିଜ୍ କରିବେ ବୋଲି ନିଷ୍ପତ୍ତି ନେଇଛନ୍ତି। ଦର୍ଶକ ବୁଧବାର ଏହି ଫିଲ୍ମର ମଜା ନେଇ ପାରିବେ।
‘ଦିଲୱାଲେ ଦୁଲହନିଆ ଲେ ଜାୟେଙ୍ଗେ’ ଫିଲ୍ମଟି ପ୍ରଥମେ ୧୯୯୫ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ଯାହା ସବୁଠୁ ସଫଳ ହିନ୍ଦୀ ଚଳଚ୍ଚିତ୍ର ଭାବରେ ପରିଗଣିତ ହୋଇଥିଲା। ଏବେ ବି ଏହି ଫିଲ୍ମର କ୍ରେଜ୍ ମଧ୍ୟ କମିନାହିଁ।