ତ୍ରିନିଦାଦ୍, ୬।୯: କାରିବୀୟାନ ପ୍ରିମିୟର ଲିଗ୍ (ସିପିଏଲ୍)ର ୨୭ତମ ମ୍ୟାଚ୍ରେ ତ୍ରିନିବାଗୋ ନାଇଟ୍ ରାଇଡର୍ସ ୨୩ ରନରେ ସେଣ୍ଟ ଲୁସିଆ ଜୌକସ୍ ଦଳକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ନାଇଟ୍ ରାଇଡର୍ସ ଡାରେନ ବ୍ରାଭୋ (୫୦ ରନ) ଓ ଅଧିନାୟକ କିରନ ପୋଲାର୍ଡ (୪୨)ଙ୍କ ଉପଯୋଗୀ ବ୍ୟାଟିଂ ବଳରେ ନିର୍ଦ୍ଧାରିତ ୨୦ ଓଭରରେ ୫ ଉଇକେଟ୍ ହରାଇ ୧୭୫ ରନ୍ କରିଥିଲା। ଜବାବରେ ସେଣ୍ଟ ଲୁସିଆ ନିର୍ଦ୍ଧାରିତ ଓଭରରେ ୭ ଉଇକେଟ୍ ହରାଇ ୧୫୨ ରନ କରିବାକୁ ସମର୍ଥ ହୋଇଥିଲା। ମାର୍କ ଡେୟାଲ ୪୦ ଓ ଆନ୍ଦ୍ରେ ପ୍ଲେଚର ୪୨ ରନ କରିଥିଲେ। ବ୍ୟାଟିଂ ଭଳି ବୋଲିଂରେ ମଧ୍ୟ ପୋଲାର୍ଡ ୩ ଉଇକେଟ୍ ହାସଲ କରି ଦଳକୁ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଅଲ୍ରାଉଣ୍ଡ ପ୍ରଦର୍ଶନ ଲାଗି ତାଙ୍କୁ ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପ୍ରଦାନ କରାଯାଇଥିଲା। ଏହି ବିଜୟ ସହ ବଲିଉଡ୍ ସୁପର୍ ଷ୍ଟାର୍ ଶାହରୁଖ ଖାନ୍ଙ୍କ ମାଲିକାନାରେ ଥିବା ନାଇଟ୍ ରାଇଡର୍ସ ଦଳ ଚଳିତ ସଂସ୍କରଣରେ ବର୍ତ୍ତମାନ ସୁଦ୍ଧା ଅପରାଜେୟ ରହିଛି। ନାଇଟ୍ ରାଇଡର୍ସ ୯ ମ୍ୟାଚ୍ ଖେଳି ୯ ବିଜୟ ସହ ୧୮ ପଏଣ୍ଟ ପାଇଛି।