ତ୍ରିନିଦାଦ, ୭।୫: କାରିବୀୟାନ ପ୍ରିମିୟର ଲିଗ୍ (ସିପିଏଲ୍)ରେ ସମସ୍ତ ଲିଗ୍ ମ୍ୟାଚ୍ ଜିତି ତ୍ରିନିବାଗୋ ନାଇଟ୍ ରାଇଡର୍ସ ସେମିଫାଇନାଲରେ ପ୍ରବେଶ କରିଛି। ବଲିଉଡ୍ ସୁପର୍ ଷ୍ଟାର୍ ଶାହରୁଖ ଖାନଙ୍କ ମାଲିକାନାରେ ଥିବା ନାଇଟ୍ ରାଇଡର୍ସ ଦଳ ଏହାର ଅନ୍ତିମ ତଥା ୧୦ମ ଲିଗ୍ ମ୍ୟାଚ୍ରେ ସେଣ୍ଟ କିଟ୍ସ ଆଣ୍ଡ୍ ନେଭିସ୍ ପାଟ୍ରିଅଟ୍ସକୁ ୯ ଉଇକେଟ୍ରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ସେଣ୍ଟ କିଟ୍ସ ଆଣ୍ଡ୍ ନେଭିସ ପାଟ୍ରିଅଟ୍ସ ଦଳ ୧୮.୨ ଓଭରରେ ୭୭ ରନ କରି ଅଲ୍ଆଉଟ୍ ହୋଇଯାଇଥିଲା। ପ୍ରତିପକ୍ଷ ନାଇଟ୍ ରାଇଡର୍ସ ପକ୍ଷରୁ ଫାଓ୍ବଦ ଅହମ୍ମଦ (୪-୦-୨୧-୪) ସଫଳ ବୋଲର ରହିଥିଲେ। ଜବାବରେ ନାଇଟ୍ ରାଇଡର୍ସ ଟିଅନ ଓ୍ବେବଷ୍ଟର (୪୧ ରନ)ଙ୍କ ଉପଯୋଗୀ ବ୍ୟାଟିଂ ବଳରେ ୫୧ ବଲ୍ ପୂର୍ବରୁ ୯ ଉଇକେଟ୍ ସୁରକ୍ଷିତ ଥାଇ ବିଜୟ ଲାଭ କରିଥିଲା। ଫଳରେ ଶାହରୁଖଙ୍କ ନାଇଟ୍ ରାଇଡର୍ସ ଦଳ ପ୍ରତିଯୋଗିତାରେ ଏକମାତ୍ର ଟିମ୍ ଭାବେ ୧୦ ମ୍ୟାଚ୍ ଖେଳି ଅପରଜେୟ ରହିଛି।
