ମୁମ୍ବାଇ: କିଙ୍ଗ୍ଖାନ୍ ଶାହାରୁଖଙ୍କ ବିଳାସପୂର୍ଣ୍ଣ ଘର ‘ମନ୍ନତ’ ସବୁବେଳେ ଚର୍ଚ୍ଚାରେ ରହିଥାଏ। କିଛିଦିନ ତଳେ ଶାହରୁଖ ନିଜ ଘର ‘ମନ୍ନତ’ର ନେମ୍ପ୍ଲେଟ୍କୁ ନେଇ ଚର୍ଚ୍ଚାରେ ଥିଲେ। କାରଣ ଏହି ନେମ୍ ପ୍ଲେଟ୍ର ଦାମ୍ ୨୫ ଲକ୍ଷ ଟଙ୍କା ବୋଲି କୁହାଯାଇଥିଲା। ଅନେକ ୟୁଜର ସୋସିଆଲ ମିଡିଆରେ ଶାହାରୁଖଙ୍କ ଘରର ନେମ୍ପ୍ଲେଟ୍ର ଦାମ୍ ବି ଶେୟାର କରିଥିଲେ।
ବର୍ତ୍ତମାନ ଶାହରୁଖଙ୍କ ଘର ‘ମନ୍ନତ’ର ନୂଆ ନେମ୍ପ୍ଲେଟ ଆଉ ନାହିଁ। ଏହାକୁ ହଟାଇ ଦିଆଯାଇଛି। କାରଣ ଏଥିରେ ଲାଗିଥିବା ହୀରା ଗୋଟେ ଖସିପଡ଼ିଛି। ମରାମତି ପାଇଁ ଏହାକୁ ଘର ଭିତରେ ରଖାଯାଇଛି। ମରାମତି ପରେ ଏହା ପୁଣି ଲଗାଯିବ। ଏହି ନେମ୍ପ୍ଲେଟ୍ର ଡିଜାଇନ ଶାହାରୁଖଙ୍କ ସ୍ତ୍ରୀ ଗୌରୀ କରିଥିଲେ।
ନେମ୍ପ୍ଲେଟ୍ ହଟାଯିବାର ଫଟୋ ମଧ୍ୟ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଅନେକ ୟୁଜର ଏହା ମଧ୍ୟ କହିଛନ୍ତି, ନେମ୍ପ୍ଲେଟ୍ ଚୋରି ହୋଇଥାଇପାରେ।