ମୁମ୍ବାଇ: ସୁହାନା ଖାନ୍ ପ୍ରଥମ ଥର ପାଇଁ ଓଟିଟିରେ ଅଭିନୟ କରୁଥିବା ଦେଖିବାକୁ ମିଳିବ। ବାପା ଶାହାରୁଖଙ୍କ ପରବର୍ତ୍ତୀ ଫିଲ୍ମରେ ଝିଅ ସୁହାନା ନଜର ଆସିବେ।
‘ପଠାନ’ ଏବଂ ‘ଜଓ୍ବାନ’ର ଅଦ୍ଭୁତପୂର୍ବ ସଫଳତା ପରେ ରୋମାନ୍ସ କିଙ୍ଗ୍ ଶାହାରୁଖ ତାଙ୍କ ଆକ୍ସନ ଅବତାରରେ ଲୋକଙ୍କ ନିକଟରେ ଲୋକପ୍ରିୟ ହୋଇଥିଲେ। ବର୍ଷର ଦୁଇଟି ବ୍ଲକବଷ୍ଟର ଦେବା ପରେ, ବର୍ତ୍ତମାନ ଶାହାରୁଖ ପୁଣି ଥରେ ‘ଡଙ୍କି’ ସହିତ ବକ୍ସ ଅଫିସରେ ଏକ ବିସ୍ଫୋରଣ ସୃଷ୍ଟି କରିବାକୁ ଯାଉଛନ୍ତି। ଯାହା ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। କିନ୍ତୁ ଏହି ଫିଲ୍ମ ରିଲିଜ ହେବା ପୂର୍ବରୁ କିଙ୍ଗ୍ ଖାନଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି। ତାଙ୍କ ପରବର୍ତ୍ତୀ ଫିଲ୍ମରେ ଶାହାରୁଖ ତାଙ୍କ ଝିଅଙ୍କ ସହ ନଜର ଆସୁଛନ୍ତି।
ଆପଣ ପୂର୍ବରୁ ବାପ-ପୁଅ ଯୋଡ଼ି, ମାମୁ-ଭଣଜା ଯୋଡ଼ି, ଶାଶୁ-ବୋହୂଙ୍କ ଯୋଡ଼ି ଦେଖିଥିବେ। ସେମାନଙ୍କୁ ଲୋକେ ବହୁତ ପସନ୍ଦ କରିଥିଲେ। କିନ୍ତୁ ବର୍ତ୍ତମାନ ପ୍ରଥମଥର ପାଇଁ ଅନସ୍କ୍ରିନ୍ରେ ଦେଖିବେ। ବାପା ଏବଂ ଝିଅଙ୍କ ବନ୍ଧନ ବଡ଼ ପରଦାରେ ରେକର୍ଡ କରିବାକୁ ଯାଉଛି। ଯେଉଁଥିପାଇଁ ପ୍ରସ୍ତୁତି ମଧ୍ୟ ଆରମ୍ଭ ହୋଇଛି।
ରିପୋର୍ଟ ଅନୁଯାୟୀ, ଶାହାରୁଖ୍ ଶୀଘ୍ର ସୁଜୟ ଘୋଷଙ୍କ ନିର୍ଦ୍ଦେଶନାରେ ଏକ ଫିଲ୍ମ କରିବାକୁ ଯାଉଛନ୍ତି। ଯେଉଁଥିରେ ସୁହାନା ମଧ୍ୟ ତାଙ୍କ ଅଭିନୟ ଦକ୍ଷତା ପ୍ରଦର୍ଶନ କରିବେ। ଫିଲ୍ମଟି ଆକ୍ସନ ଥ୍ରିଲର ହେବ। ଯାହାର ଶୁଟିଂ ନଭେମ୍ବର ୨୦୨୪ରୁ ଆରମ୍ଭ ହେବ।
