ନୂଆଦିଲ୍ଲୀ,୨୩।୬: କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ରବିବାର ମୌସୁମୀ ଆସିବା ପରେ ଦେଶର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତିର ସମୀକ୍ଷା କରିବେ।
ପ୍ରତିବର୍ଷ ବିହାର, ଆସାମ ଏବଂ ଅନ୍ୟାନ୍ୟ ପୂର୍ବ ରାଜ୍ୟଗୁଡିକର ବଡ଼ ଅଞ୍ଚଳ ମୌସୁମୀ ବର୍ଷା ହେତୁ ନଦୀର ଜଳ ସ୍ତର ବୃଦ୍ଧି ହେତୁ ଜଳମଗ୍ନ ହୋଇଯାଏ। ଉତ୍ତରପ୍ରଦେଶ, ହିମାଚଳ ପ୍ରଦେଶ ଏବଂ ଅନ୍ୟ କେତେକ ରାଜ୍ୟ ମଧ୍ୟ ମୌସୁମୀ ସମୟରେ ଭୂସ୍ଖଳନ ଏବଂ ବର୍ଷା ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେଉଛନ୍ତି।
ଗୃହ ମନ୍ତ୍ରଣାଳୟର ଅଧିକାରୀ କହିଛନ୍ତି ଯେ ଦେଶରେ ବନ୍ୟା ପରିଚାଳନା ପାଇଁ ସାମଗ୍ରିକ ପ୍ରସ୍ତୁତିର ସମୀକ୍ଷା ପାଇଁ ସ୍ବରାଷ୍ଟ୍ରମନ୍ତ୍ରୀ ରବିବାର ଏକ ଉଚ୍ଚ ସ୍ତରୀୟ ବୈଠକ କରିବେ।
ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ଦୁଇଟି ମୃତ୍ୟୁଘଟିଥିବା ବେଳେ ଚଳିତ ବର୍ଷର ବନ୍ୟା, ଭୂସ୍ଖଳନ ଏବଂ ଝଡ଼ରେ୩୯ଜଣଙ୍କ ମୃତ୍ୟୁ ଘଟିଥିବା ଆସାମ ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (ASDMA) ବୁଲେଟିନ ଶନିବାର କହିଛି।
ତେବେ ରାଜ୍ୟରେ ବନ୍ୟା ପରିସ୍ଥିତିରେ ସାମାନ୍ୟ ଉନ୍ନତି ଘଟିଛି। ବର୍ତ୍ତମାନ ୧୨ଟି ଜିଲାରେ ବନ୍ୟା ଯୋଗୁଁ ୨,୬୩,୪୫୨ଲୋକ ପ୍ରଭାବିତ ହୋଇଛନ୍ତି। ରାଜ୍ୟରେ ୧୩୪ଟି ରିଲିଫ କ୍ୟାମ୍ପ ପ୍ରତିଷ୍ଠା କରାଯାଇଛି ଯେଉଁଥିରେ ୧୭,୬୬୧ଲୋକଙ୍କୁ ଆଶ୍ରୟ ଦିଆଯାଇଛି।
