ନୂଆଦିଲ୍ଲୀ,୨୮।୧୦: ଦକ୍ଷିଣ ଆଫ୍ରିକା ବିପକ୍ଷରେ ଜବରଦସ୍ତ ପ୍ରଦର୍ଶନ ସତ୍ତ୍ୱେ ପାକିସ୍ତାନ ପରାଜୟର ସ୍ବାଦ ଚାଖିଛି। ଏହାକୁ ନେଇ ଦଳ ବେଶ ନିରାଶ ହୋଇଥିବା ବେଳେ ଦ୍ରୁତ ବୋଲର ଶାହିନ ଶାହ ଆଫ୍ରିଦି ଲୁହକୁ ରୋକି ପାରି ନ ଥିଲେ। ଡଗ୍ଆଉଟ୍ରେ ବସିଥିବା ବେଳେ ସେ ଭୋ-ଭୋ ହୋଇ କାନ୍ଦୁଥିବାର ଭିଡିଓ ଭାଇରାଲ ହେଉଛି। ତାଙ୍କୁ କୋଚ୍ ବୁଝାଉଥିଲେ ହେଁ ତାର ପ୍ରଭାବ ପଡ଼ୁନାହିଁ। ଭିଡିଓଟି ଦକ୍ଷିଣ ଆଫ୍ରିକା ସହ ମ୍ୟାଚ୍ ପରର ବୋଲି କୁହାଯାଉଛି।
ପ୍ରକାଶ ଯେ, ପାକିସ୍ତାନ ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ଦଳ ୪୬.୪ ଓଭରରେ ୨୭୦ରେ ଅଲଆଉଟ୍ ହୋଇଥିଲା। ଜବାବରେ ମଇଦାନକୁ ଓହ୍ଲାଇଥିବା ଦକ୍ଷିଣ ଆଫ୍ରିକା ଟିମ୍ ୧୩୬ ରନ୍ରେ ୪ ଉଇକେଟ ହରାଇଥିଲେ। ଏହାପରେ ଡେଭିଡ୍ ମିଲର ଏବଂ ମାକ୍ରମ ଦଳର ସ୍କୋର ୨୦୦ ପାର କରାଇଥିଲେ। ଉଭୟ ଆଉଟ ହେବା ପରେ ଦଳ ହାରିଯିବା ଭଳି ମନେ ହୋଇଥିଲା। ହେଲେ ସେ୪୮ ଓଭର ଦ୍ୱିତୀୟ ବଲରେ ୧ ଉଇକେଟରେ ବିଜେତା ହୋଇଥିଲା। ଜିତିବା ମ୍ୟାଚ୍ ହାତରୁ ଚାଲିଯାଇଥିବାରୁ ଏହି ପରାଜୟକୁ ସହଜରେ ଗ୍ରହଣ କରିପାରିନାହାନ୍ତି ପାକିସ୍ତାନ ଖେଳାଳି।
ଦେଖନ୍ତୁ ଭିଡିଓ: