ଇସଲାମାବାଦ, ୧।୧୧: ବିଶ୍ୱକପ୍ରେ ନୈରାଶ୍ୟଜନକ ପ୍ରଦର୍ଶନ ଯୋଗୁ ସମାଲୋଚନାର ଶିକାର ହେଉଛି ପାକିସ୍ତାନ କ୍ରିକେଟ ଟିମ୍। ଏଭଳି ସ୍ଥିତିରେ ପାକିସ୍ତାନ କ୍ରିକେଟ ବୋର୍ଡର ଅଧ୍ୟକ୍ଷ ଜାକା ଅଶରଫ ଅଧିନାୟକ ବାବର ଆଜମଙ୍କ ସହ ହ୍ବାଟ୍ସଆପ୍ ଚାଟ୍କୁ ଭାଇରାଲ କରିଥିଲେ। ଏହାପରେ ପାକିସ୍ତାନର ଅନେକେ ପୂର୍ବତନ ଖେଳାଳି ଜାକାଙ୍କୁ କଟାକ୍ଷ କରୁଛନ୍ତି। ଏହି କ୍ରମରେ ଶାହିଦ ଆଫ୍ରିଦି ଲାଇଭ୍ ଶୋ’ରେ ତାଙ୍କୁ ନେଇ ଖୁଲାସା କରିବା ସହ ପରାମର୍ଶ ଦେବାକୁ ପଛାଇ ନାହାନ୍ତି।
ସମା ଟିଭିର ଲାଇଭ୍ ଶୋ’ରେ ଆଫ୍ରିଦି କହିଛନ୍ତି, ଜାକା ଗଣମାଧ୍ୟମର ମାଲିକମାନଙ୍କୁ ଫୋନ୍ କରୁଛନ୍ତି। ସେ ଅଧ୍ୟକ୍ଷ ଯେହେତୁ ନିଜ କାମରେ ମତଲବ ରଖନ୍ତୁ। ସେ ଅନ୍ୟକୁ ସୁଯୋଗ ଦେଉଥିବାରୁ ତାଙ୍କ ବିଷୟରେ ଆଲୋଚନା ହେଉଛି। କେବେ ସେ ବାବରଙ୍କ ବିରୋଧରେ ତ ଆଉ କାହା ବିଷୟରେ କହୁଥିବା ଦେଖାଯାଇଛି। ଖେଳାଳିମାନେ ତାଙ୍କଠାରୁ ବହୁତ କିଛି ଆଶା କରୁଛନ୍ତି। ତାଙ୍କୁ ବର୍ତ୍ତମାନ ସମୟରେ ଦଳର ସମସ୍ୟା ଉପରେ ଧ୍ୟାନ ଦେବା ଉଚିତ ବୋଲି ସେ କହିଛନ୍ତି।