ପାକିସ୍ତାନର ପୂର୍ବତନ ଅଲରାଉଣ୍ଡର ସହିଦ୍ ଆଫ୍ରିଦ୍ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି। ସୁସ୍ଥ ହେବା ପରେ ସେ ନିଜ ପୁରୁଣା ଘରକୁ ଯାଇ ଜେଜେ ବାପାଙ୍କ କବର ସ୍ଥାନ ପରିଦର୍ଶନ କରିଥିଲେ। ସେଠାରେ ସେ ଅସହାୟଙ୍କୁ ଖାଦ୍ୟ ପୁଡିଆ ବଣ୍ଟନ କରିଥିଲେ। ଏହି ସମୟରେ ତାଙ୍କୁ ରାଜନୀତିକୁ ଆସିବେ କି ବୋଲି କେତେକ ଗଣମାଧ୍ୟମ ପ୍ରତିନିଧି ପ୍ରଶ୍ନ କରିଥିଲେ। ଏହାର ଜବାବରେ ସେ କହିଥିଲେ ମୁଁ ରାଜନୀତିକୁ ଆସିବି ନାହିଁ। କରୋନା ସମୟରେ ଏମିତି ଲୋକଙ୍କୁ ସାହାଯ୍ୟ କରିବା ପ୍ରକୃତ କାରଣ ବିଷୟରେ ସେ ଖୁଲାସା କରିଛନ୍ତି। ସୋସିଆଲ ମିଡିଆରେ ଏକ ଫଟୋ ଶେୟାର କରି ଆଫ୍ରିଦ୍ କହିଛନ୍ତି, ମୁଁ ମୋ ଜେଜେ ବାପାଙ୍କ ଭଳି ହେବାକୁ ଚାହୁଁଛି। ସେ ସବୁବେଳେ ଅନ୍ୟର ସହାୟତା କରୁଥିଲେ। ସେହିଭଳି ମୁଁ ଲୋକଙ୍କ ସହ ଯୋଡି ହୋଇ ସେମାନଙ୍କୁ ସାହାଯ୍ୟ କରିବାକୁ ଚାହୁଁଛି ବୋଲି ସେ କହିଛନ୍ତି। ସୂଚନାଯୋଗ୍ୟ, ପୁରୁଣା ଘର ଗସ୍ତବେଳେ ଆଫ୍ରିଦ ନିଜ ଫାଉଣ୍ଡେଶନ ପକ୍ଷରୁ ୧୦୦୦ ପରିବାରକୁ ରାଶନ ଦାନ ଦେଇଥିଲେ।