ମୁମ୍ବାଇ: ଅଭିନେତା ସାହିଦ କପୁର ଏବଂ ସ୍ତ୍ରୀ ମୀରା ରାଜପୁତ ଏବେ ଛୁଟି କାଟିବାକୁ ଯାଇଛନ୍ତି। ଏହି କପଲ ନିଜର ସୋସିଆଲ ମିଡିଆ ଆକାଉଣ୍ଟରେ ଫଟୋ ଏବଂ ଭିଡିଓ ଶେୟାର କରି ପ୍ରଶଂସକଙ୍କୁ ଝଲକ ଦେଖାଉଛନ୍ତି। ସାହିଦ ଶନିବାର ସକାଳେ ମୀରାଙ୍କ ସହ କିଛି ରୋମାଣ୍ଟିକ୍ ଫଟୋ ଶେୟାର କରିଛନ୍ତି। ଏହି କପଲଙ୍କ ସହ ସେମାନଙ୍କର ସନ୍ତାନ ମିଶା ଏବଂ ଜୈନ ମଧ୍ୟ ସ୍ବିଜରଲ୍ୟାଣ୍ଡକୁ ଛୁଟି ମନାଇବା ପାଇଁ ଯାଇଛନ୍ତି। ପ୍ରଶଂସକମାନେ ଏହି ଫଟୋଗୁଡ଼ିକୁ ବହୁତ ପସନ୍ଦ କରିଛନ୍ତି।
ସାହିଦ ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ସ୍ତ୍ରୀ ମୀରାଙ୍କ ସହ ଏକ ସୁନ୍ଦର ଫଟୋ ଶେୟାର କରିଛନ୍ତି। ଏହି ଫଟୋରେ ମୀରା ସାହିଦଙ୍କ କାନ୍ଧରେ ମୁଣ୍ଡ ରଖିଥିବାର ନଜର ଆସିଛନ୍ତି। ସେମାନଙ୍କ ପଛରେ ବହୁତ ଉଚ୍ଚ ପର୍ବତ ଦେଖାଯାଉଛି। ଏହା ଉପରେ ସୂର୍ଯ୍ୟକିରଣ ପଡ଼ିଥିବା ଦେଖିବାକୁ ମିଳିଛି।
ସାହିଦଙ୍କ ଫଟୋରେ ଜଣେ ୟୁଜର ଲେଖିଛନ୍ତି, ତୁମେ ଦୁହେଁ ଚମତ୍କାର ଦେଖାଯାଉଛ। ଅନ୍ୟ ଜଣେ ପ୍ରଶଂସକ ଲେଖିଛନ୍ତି, ଏତେ ସୁନ୍ଦର! ସେହିପରି ଅନ୍ୟ ଜଣେ ପ୍ରଶଂସକ କବୀର ସିଂଙ୍କ ପ୍ରକୃତ ପ୍ରେମ ବୋଲି କହିଛନ୍ତି।