ଆବୁଧାବି, ୧୨।୩-ଆବୁଧାବିର ଶେଖ ଜାୟେଦ ଷ୍ଟାଡିୟମରେ ଚାଲିଥିବା ଜିମ୍ବାଓ୍ବେ ବିପକ୍ଷ ଟେଷ୍ଟ ମ୍ୟାଚରେ ଆଫଗାନିସ୍ତାନ ବୃହତ୍ ସ୍କୋର ଛିଡ଼ା କରିଛି। ହାସମାତୁଲ୍ଲା ଶାହିଦିଙ୍କ ଅପରାଜିତ ଦ୍ୱିଶତକ ଏବଂ ଅଧିନାୟକ ଅସଗର ଆଫଗାନଙ୍କ ୧୬୪ ରନ ସହାୟତାରେ ଆଫଗାନିସ୍ତାନ ୪ ଉଇକେଟରେ ୫୪୫ ରନକରି ପ୍ରଥମ ଇନିଂସ ଘୋଷଣା କରିଛି। ଆଫଗାନିସ୍ତାନ କ୍ରିକେଟ ଇତିହାସରେ ଶାହିଦି ପ୍ରଥମ ଖେଳାଳିଭାବେ ଦ୍ୱିଶତକ (୨୦୦ ରନ, ୪୪୩ ବଲ, ୨୧ ଚୌକା, ୧ ଛକା) ରନ କରି ଅପରାଜିତ ରହିଥିଲେ। ଅସଗର ୨୫୭ ବଲରୁ ୧୪ ଚୌକା ଓ ୨ ଛକା ସହାୟତାରେ ୧୬୪ ରନ କରିଥିଲେ। ଓପନର ଇବ୍ରାହିମ ଜଡ୍ରାନ ୭୨ ରନର ଯୋଗଦାନ ଦେଇଥିବାବେଳେ ନାସିର ଜମାଲ ୫୫ ରନରେ ଅପରାଜିତ ରହିଥିଲେ। ଶାହିଦି ଓ ଅସଗର ୪ର୍ଥ ଉଇକେଟରେ ୫୫୩ ବଲ୍ରୁ ୩୦୭ ରନର ଭାଗୀଦାରି ଗଢ଼ିଥିଲେ। ଏହା ମଧ୍ୟ ଆଫଗାନିସ୍ତାନ ପାଇଁ ରେକର୍ଡ ପାର୍ଟନରଶିପ୍। ଦ୍ୱିତୀୟ ଦିବସ ଶେଷ ବେଳକୁ ଜିମ୍ବାଓ୍ବେ କୌଣସି ଉଇକେଟ ନ ହରାଇ ୫୦ ରନ ସଂଗ୍ରହ କରିଛି। ସମସ୍ତ ଉଇକେଟ ସୁରକ୍ଷିତ ଥିବାବେଳେ ଦଳ ଆଫଗାନିସ୍ତାନ ପ୍ରଥମ ଇନିଂସଠାରୁ ୪୯୫ ରନରେ ପଛୁଆ ରହିଛି।