ବଲିଉଡ ସୁପରଷ୍ଟାର ଶାହରୁଖ ଖାନ୍ ଫିଲ୍ମ‘ପଠାନ୍’ମାଧ୍ୟମରେ ୪ ବର୍ଷ ପରେ ବଡ ପରଦାରେ ଫେରିବାକୁ ଯାଉଛନ୍ତି। ତେବେ ଶାହରୁଖଙ୍କ ଜନ୍ମଦିନ ଅବସରରେ ‘ପଠାନ୍’ ର ଟିଜର ରିଲିଜ୍ ହୋଇଥିଲା। ଯାହାକୁ ଦେଖିବା ପରେ ଦର୍ଶକ ମଧ୍ୟରେ ଉତ୍ସାହ ବହୁତ ବୃଦ୍ଧି ପାଇଛି। ଏହି ସମୟରେ ଆଉ ଏକ ଖବର ସାମ୍ନାକୁ ଆସିଛି ଯେ, ‘ପଠାନ’ର ପ୍ରଥମ ଗୀତ ଡିସେମ୍ବର ଦ୍ୱିତୀୟ ସପ୍ତାହରେ ମୁକ୍ତିଲାଭ କରିିବ। ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ଆସନ୍ତା ବର୍ଷ ଜାନୁୟାରୀ ୨୫ରେ ପ୍ରେକ୍ଷାଳୟକୁ ଆସିବ। ଫିଲ୍ମରେ ଶାହାରୁଖ ଖାନ୍ଙ୍କ ବ୍ୟତିତ ଦୀପିକା ପାଦୁକୋନ, ସୁପରଷ୍ଟାର ଜନ୍ ଆବ୍ରାହମ ମୁଖ୍ୟ ଭୂମିକାରେ ଅଛନ୍ତି। ତେବେ ଏହି ଫିଲ୍ମ ପାଇଁ ଶାହରୁଖ ୧୦୦ କୋଟି ଟଙ୍କା ଚାର୍ଜ କରିଥିବା ଜଣାପଡିଛି। ସେହିପରି ଦୀପିକା ୧୫ କୋଟି ଚାର୍ଜ କରିଥିବା ବେଳେ ଜନ୍ ଆବ୍ରାହମ ୨୦ କୋଟି ଚାର୍ଜ କରିଛନ୍ତି।
