ବଲିଉଡର କିଙ୍ଗ ଖାନ ଶାହରୁଖ ଆଜି ୫୫ ତମ ଜନ୍ମଦିନ ପାଳନ କରୁଛନ୍ତି। ଏହି ଦିନ କେବଳ ଶାହରୁଖଙ୍କ ପାଇଁ ନୁହେଁ ତାଙ୍କ ପ୍ରଶଂସକଙ୍କ ପାଇଁ ମଧ୍ୟ ବେଶ୍ ସ୍ବତନ୍ତ୍ର। ସୁପରଷ୍ଟାର ଶାହରୁଖଙ୍କ ଜନ୍ମଦିନକୁ ଆହୁରି ସ୍ବତନ୍ତ୍ର କରିବା ପାଇଁ ତାଙ୍କର ଏକ ପ୍ରଶଂସକ ଗୋଷ୍ଠୀ ୫୫୫୫ଟି କୋଭିଡ୍ କିଟ ଦାନ କରିବାକୁ ଘୋଷଣା କରିଛନ୍ତି। ଏହି ଦାନ ବିଷୟରେ ଶାହାରୁଖଙ୍କ ଫ୍ୟାନ କ୍ଲବ ପକ୍ଷରୁ ଯୋଗେ ସୂଚନା ଦିଆଯାଇଛି। ଏହି ଟୁଇଟ ଅନୁଯାୟୀ ଶାହରୁଖଙ୍କ ପ୍ରଶଂସକମାନେ ଗରିବ ଲୋକଙ୍କ ପାଇଁ ଏହି କିଟ ପ୍ରସ୍ତୁତ କରାଯାଇଛି। ଏହି କିଟ୍ରେ ମାସ୍କ, ସାନିଟାଇଜର ଏବଂ ଖାଦ୍ୟ ରହିଛି। ଫ୍ୟାନ କ୍ଲବ ମଧ୍ୟ ଏହାର ଫଟୋ ଶେୟାର କରିଛି। କରୋନା ମହାମାରୀ ସମୟରେ କରୋନା କିଟ ହେଉଛି ଲୋକଙ୍କ ସବୁଠାରୁ ବଡ ଆବଶ୍ୟକତା। ଏଭଳି ପରିସ୍ଥିତିରେ ପ୍ରଶଂସକଙ୍କ ଏହି କାର୍ଯ୍ୟ ପ୍ରଶଂସନୀୟ। କରୋନା ଯୋଗୁ ଏଥର ଶାହରୁଖ ପ୍ରଶଂସକଙ୍କୁ ତାଙ୍କ ଘର ମନ୍ନତ ବାହାରେ ଏକାଠି ନ ହେବାକୁ ନିବେଦନ କରିଛନ୍ତି।