ମହାମାରୀ କରୋନା ଯୋଗୁ ଜାରି ରହିଥିବା ଲକ୍ଡାଉନ୍ ପାଇଁ ସାଧାରଣ ଜନତାଙ୍କ ପରି ବଲିଉଡ୍ କଳାକାରଙ୍କୁ ମଧ୍ୟ ମାସ ମାସ ଧରି ଘରେ ରହିବାକୁ ପଡ଼ିଥିଲା। ଖାଲି ସେତିକି ନୁହେଁ ଅନେକ କଳାକାର ବିଦେଶରେ ପାଠ ପଢ଼ୁଥିବା ସେମାନଙ୍କ ପିଲାମାନଙ୍କୁ ମଧ୍ୟ ଘରକୁ ନେଇଆସିଥିଲେ। ଏହିପରି ଜଣେ ହେଲେ କିଙ୍ଗ୍ ଖାନ୍ ଶାହାରୁଖ୍।
ଶାହାରୁଖ୍ଙ୍କ ଝିଅ ସୁହାନା ଖାନ୍ ଲଣ୍ଡନରେ ରହି ପାଠ ପଢ଼ୁଛନ୍ତି। ବଲିଉଡ୍ରେ ଡେବ୍ୟୁ ପାଇଁ ସୁହାନା ସେଠାରେ ରହି ଆକ୍ଟିଂ କେର୍ସ ମଧ୍ୟ କରୁଛନ୍ତି। ଅନେକ ଦିନ ପର୍ଯ୍ୟନ୍ତ ସେ ମୁମ୍ବାଇରେ ନିଜ ପରିବାର ସହ ରହିବା ପରେ ଶୁକ୍ରବାର ବିଳମ୍ବିତ ରାତିରେ ଲଣ୍ଡନକୁ ଫେରିଯାଇଛନ୍ତି। ମୁମ୍ବାଇ ଏୟାରପୋର୍ଟରୁ ତାଙ୍କର ଅନେକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସୁହାନାଙ୍କୁ ଏୟାରପୋର୍ଟରେ ଛାଡିବା ପାଇଁ ବାପା ଶାହାରୁଖ୍,ମା’ ଗୌରୀ ଖାନ୍ ଏବଂ ସାନ ଭାଇ ଅବରାମ ଯାଇଥିବା ଫଟୋରେ ଦେଖିବାକୁ ମିଳୁଛି।