ଡ୍ରଗ୍ସ ମାମଲାରେ ବଲିଉଡର ଭେଟେରାନ ଅଭିନେତା ଶାହାରୁଖ ଖାନଙ୍କ ପୁଅ ଆର୍ୟନ ଖାନଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଅଧିକାରୀ ପଚରାଉଚରା କରୁଛନ୍ତି। ମୁମ୍ବାଇରୁ ଗୋଆ ଯାଉଥିବା ଏକ ଜାହାଜରେ ପାର୍ଟି ଚାଲିଥିବା ବେଳେ ସେଠାରେ ଆର୍ୟନ ମଧ୍ୟ ସାମିଲଥିଲେ। ଏନସିବି ଟିମ୍ର ଚଢ଼ାଉ ବେଳେ ଆର୍ୟନଙ୍କୁ ମଧ୍ୟ ଗିରଫ କରାଯାଇଛି। ତେବେ ପୂର୍ବରୁ ଶାହାରୁଖ ତାଙ୍କ ପୁଅ ବିଷୟରେ କିଛି କହିଥିଲେ, ଯେଉଁଥିପାଇଁ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଶାହାରୁଖ ତାଙ୍କର ଏକ ସାକ୍ଷାତକାରରେ କହିଥିଲେ ଯେ ସେ ଚାହୁଁଛନ୍ତି, ତାଙ୍କ ପୁଅ ଆୟନ ସେହି ସବୁ ଭୁଲ କାମ କରନ୍ତୁ, ଯାହା ସେ ଯ ଯୁବାବସ୍ଥାରେ କରି ପାରି ନ ଥିଲେ। ବଲିଉଡ୍ର ଭେଟେରାନ ଅଭିନେତା ଶାହରୁଖ ଖାନ ଗତ ୨୫ ବର୍ଷ ଧରି ଫିଲ୍ମ ଇଣ୍ଡଷ୍ଟ୍ରିରେ ରାଜ କରିଆସୁଛନ୍ତି। ୫୫ ବର୍ଷ ବୟସ୍କ ଶାହରୁଖଙ୍କୁ ଫିଲ୍ମ ଇଣ୍ଡଷ୍ଟ୍ରିର କିଙ୍ଗ ଖାନ କୁହାଯାଏ। ତାଙ୍କୁ ଭାରତ ସରକାର ପଦ୍ମଶ୍ରୀ ପୁରସ୍କାର ପ୍ରଦାନ କରିଛନ୍ତି। ସେ ଏଯାବତ୍ ୧୪ଟି ଫିଲ୍ମଫେୟାର ପୁରସ୍କାର ପାଇଛନ୍ତି। ଯେତେବେଳେ ସେ ତାଙ୍କ ପୁଅ ବିଷୟରେ କହିଥିଲେ, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଶାହରୁଖ ତାଙ୍କର ଏକ ସାକ୍ଷାତକାରରେ କହିଥିଲେ ଯେ, ସେ ଚାହୁଁଛନ୍ତି ଯେ, ତାଙ୍କ ପୁଅ ଆର୍ୟନ ସେହି ସବୁ ଭୁଲ କାମ କରୁ, ଯାହା ସେ ଯୁବକ ଅବସ୍ଥାରେ କରିନାହାନ୍ତି।
୧୯୯୭ ମସିହାରେ ଶାହରୁଖ ସିମି ଗରଓ୍ବୋଲଙ୍କ ଟକ ଶୋ’ରେ ପହଞ୍ଚିଥିଲେ। ତାଙ୍କ ସହିତ ତାଙ୍କ ସ୍ତ୍ରୀ ଗୌରୀ ମଧ୍ୟ ଥିଲେ। କିଛି ଦିନ ପୂର୍ବରୁ ସେମାନଙ୍କ ପୁଅ ଆୟନ ଜନ୍ମ ହୋଇଥିଲେ। ସାକ୍ଷାତକାରରେ ଯେତେବେଳେ ସେ ତାଙ୍କ ପୁଅ ବିଷୟରେ କହିଥିଲେ, ସେ ଏପରି କହିବେ ବୋଲି କେହି ଭାବି ନ ଥିଲେ ।
ସାକ୍ଷାତକାରରେ, ଯେତେବେଳେ ସିମି ଶାହରୁଖଙ୍କୁ ପଚାରିଲେ ସେ କିପରି ତାଙ୍କ ପୁଅ ଆର୍ୟନଙ୍କୁ ବଢ଼ାଇବେ? ଏହା ଉପରେ ଶାହରୁଖ କହିଛନ୍ତି ଯେ, ସେ ଚାହୁଁଛନ୍ତି ତାଙ୍କ ପୁଅ ସେହି ସବୁ କାମ କରୁ, ଯାହା ସେ କିଶୋର ଅବସ୍ଥାରେ କରିପାରି ନ ଥିଲେ।
ଶାହରୁଖ କହିଛନ୍ତି ଯେ, ସେ ତାଙ୍କ ପୁଅକୁ ଡ୍ରଗ୍ସ ନେବାକୁ ଏବଂ ଝିଅଙ୍କ ପଛେ ଗୋଡ଼ାଇବାକୁ କହିବେ। ଆର୍ୟନ ଶୀଘ୍ର ସମସ୍ତ କାର୍ଯ୍ୟ ଆରମ୍ଭ କରିବା ଉଚିତ, ଯାହା ମୁଁ କରିପାରିଲି ନାହିଁ ବୋଲି ଶାହରୁଖ କହିଥିଲେ।