ବମ୍ବେ: ଗୋଟିଏ ମଞ୍ଚରେ ଏକାଠି ହେବେ ବଲିଉଡ୍ର ତିନି ଖାଁ, ଶାହାରୁଖ, ସଲମାନ ଏବଂ ଆମିର। ନିର୍ଦ୍ଦେଶକ ତଥା ହୋଷ୍ଟ କରନ୍ ଜୋହରଙ୍କ ଲୋକପ୍ରିୟ ‘କଫି ଉଇଥ୍ କରନ୍’ର ୭ମ ସିଜନ୍ରେ ସେମାନେ ଅତିଥି ଭାବେ ଯୋଗଦେବେ। ଗୋଟିଏ ମଞ୍ଚରେ ସେମାନେ ନିଜ ବ୍ୟକ୍ତିଗତ ଜୀବନକୁ ନେଇ ଅନେକ ଗୋପନ କଥା ଉପରୁ ପରଦା ହଟାଇବେ।
ପୂର୍ବରୁ ଏକ ନ୍ୟୁଜ ଚ୍ୟାନେଲର ଶୋ’ରେ ତିନି ଖାଁ ନଜର ଆସିଥିଲେ। ଏଣୁ ଦ୍ୱିତୀୟ ଥର ପାଇଁ ସେମାନଙ୍କୁ ଏକାଠି ଦେଖିବାକୁ ମିଳିବ ବୋଲି କୁହାଯାଉଛି।
କହିରଖୁଛୁ, ‘କଫି ଉଇଥ୍ କରନ୍ ସିଜନ-୭’ ଟେଲି ପରଦାରେ ନୁହେଁ ବରଂ ଓଟିଟି ପ୍ଲାଟଫର୍ମ ଡିଜ୍ନି ପ୍ଲସ ହଟ୍ଷ୍ଟାରରେ ପ୍ରସାରିତ ହେବ। ଏହାକୁ ନେଇ ପ୍ରଶଂସକ ବେଶ ଉତ୍ସାହିତ ଅଛନ୍ତି।