ମୁମ୍ବାଇ: ବଲିଉଡ୍ର ବାଦ୍ଶାହା, କିଙ୍ଗ ଖାନ୍ ଅଫ୍ ବଲିଉଡ୍ ତଥା ଡନ୍ କଳାକାର ଶାହାରୁଖ ଖାଁଙ୍କର ବଲିଉଡ୍ ଇଣ୍ଡଷ୍ଟ୍ରିରେ ୨୮ ବର୍ଷ ପୂରଣ ହୋଇଛି। ଏହାକୁ ନେଇ ସେ ତାଙ୍କ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି। ସେମାନଙ୍କ ଭଲପାଇବା ହିଁ ତାଙ୍କୁ ବଲିଉଡ୍ରେ ଏକ ଭିନ୍ନ କଳାକାରର ପରିଚୟ ଦେଇଛି ବୋଲି ଶାହାରୁଖ ଟୁଇଟ୍ କରି କହିଛନ୍ତି। ସେ ଲେଖିଛନ୍ତି କେତେବେଳେ ମୋର ପାସନ ମୋର ପର୍ପସ ଓ ପ୍ରଫେସନରେ ପରିଣତ ହେଲା ତାହା ମୁଁ ଜାଣିନି। ହେଲେ ଆପଣମାନଙ୍କ ଭଲପାଇବା ଯୋଗୁ ମୁଁ ଆଜି ବଲିଉଡ୍ ଦୁନିଆରେ ୨୮ ବର୍ଷ ପୂରଣ କରିଛି ବୋଲି ସେ ଲେଖିଛନ୍ତି। ୫୪ ବର୍ଷୀୟ ଏହି କଳାକାର ପ୍ରଥମେ ୧୯୯୪ରେ ମୁଭି ‘ଦିଓ୍ବାନା’ ମାଧ୍ୟମରେ ବଲିଉଡ୍ରେ ପାଦ ରଖିଥିବା ବେଳେ ପରେ ସେ ତିଆରି କରିଥିଲେ ନିଜର ଏକ ସ୍ବତନ୍ତ୍ର ପରିଚୟ। ବାଜିଗର, ଡର, ଅନଜାନ ଆଦିରେ ତାଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିଥିବା ବେଳେ ଦିଲଓ୍ବାଲେ ଦୁଲହନିୟା ଲେ ଜାଏଙ୍ଗେରେ ଜଣେ ରୋମାଣ୍ଟିକ ନାୟକ ଭାବେ ଦର୍ଶକେ ତାଙ୍କ ଅଭିନୟକୁ ବେଶ୍ ପସନ୍ଦ କରିଥିଲେ। ସେହିପରି ଦେବଦାସ, ସ୍ବେଦେଶ, ଚକ ଦେ ଇଣ୍ଡିଆ, ଚାଇନା ଏକ୍ସପ୍ରେସ ଓ ଡନ୍ରେ ତାଙ୍କ ଅଭିନୟକୁ ମଧ୍ୟ ମିଳିଥିଲା ଦର୍ଶକୀୟ ସ୍ବୀକୃତି। ୧୪ ଥର ଫିଲ୍ମ ଫେୟାର ଆଓ୍ବାର୍ଡ ଜିତିଥିବା ଶାହାରୁଖ ମଧ୍ୟ ବେସାମରିକ ସମ୍ମାନ ପଦ୍ମଶ୍ରୀ ସମ୍ମାନରେ ସମ୍ମାନୀତ ହୋଇଛନ୍ତି।