ମୁମ୍ବାଇ,୭।୪: ଆଇପିଏଲ୍ ୨୦୨୨ରେ ବୁଧବାର ଖେଳାଯାଇଥିବା ମ୍ୟାଚକୁ କୋଲକାତା ନାଇଟ୍ ରାଇଡର୍ସ(କେକେଆର୍) ୫ ଉଇକେଟରେ ଜିତି ନେଇଛି। ଲଢ଼ୁଆ ବ୍ୟାଟିଂ ଯୋଗୁ ଦଳ ମୁମ୍ବାଇ ଇଣ୍ଡିଆନ୍ସଠାରୁ ମ୍ୟାଚ୍ ଛଡ଼ାଇ ନେଇଥିଲା। ତେବେ ଏହି ବିଜୟକୁ ନେଇ ଖୁସିବ୍ୟକ୍ତ କରିଛନ୍ତି ବଲିଉଡ୍ ସୁପରଷ୍ଟାର ଶାହାରୁଖ ଖାନ୍।
କୋଲକାତାର ସହ-ମାଲିକ ଥିବା ଶାହାରୁଖ ସୋସିଆଲ ମିଡିଆରେ କେକେଆର୍ର ବିଜୟ ମୂହୁର୍ତ୍ତର ଫଟୋକୁ ଶେୟାର କରି ବହୁତ ସୁନ୍ଦର ବୋଲି ଲେଖିଛନ୍ତି। ଏହାଛଡ଼ା ସେ ବିସ୍ଫୋରକ ଅର୍ଦ୍ଧଶତକ କରିଥିବା ପାଟ କୁମିନ୍ସଙ୍କୁ ଶୁଭେଚ୍ଛା ଜଣାଇଛନ୍ତି। ଆଣ୍ଡ୍ରେ ରସେଲଙ୍କ ଭଳି ସେ ନାଚିବାକୁ ଚାହାନ୍ତି। ବାକି ଖେଳାଳିଙ୍କ ଭଳି ତାଙ୍କୁ ଆଲିଙ୍ଗନ କରିବାକୁ ଚାହାନ୍ତି ବୋଲି ସେ କହିଛନ୍ତି।
କହିରଖୁଛୁ, ଚଳିତ ଆଇପିଏଲ୍ ସିଜନ୍ରେ କୋଲକାତା ଚାରିଟି ମ୍ୟାଚ୍ ଖେଳିଥିବା ବେଳେ ତିନୋଟିରେ ବିଜୟ ହାସଲ କରିଛନ୍ତି। ଏଥିସହ ଦଳ ୬ ଅଙ୍କ ସହ ଅଙ୍କ ତାଲିକାରେ ଶୀର୍ଷ ସ୍ଥାନରେ ରହିଛି।