![](https://www.dharitri.com/wp-content/uploads/2023/11/Sharukh-Khan.jpg)
ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର ସବୁଠାରୁ ବଡ ତାରକାମାନଙ୍କ ମଧ୍ୟରୁ ଶାହାରୁଖ ଖାନ ଅନ୍ୟତମ। ଅଭିନୟ ବ୍ୟତୀତ ଅଭିନେତା ନିଜର ନମ୍ର ସ୍ବଭାବ ପାଇଁ ମଧ୍ୟ ଜଣାଶୁଣା। ନିକଟରେ ତାଙ୍କୁ ମୁମ୍ବାଇ ବିମାନବନ୍ଦରରେ ସୁରକ୍ଷା ଯାଞ୍ଚ ପାଇଁ ଧୈର୍ଯ୍ୟର ସହିତ ଅପେକ୍ଷା କରିଥିବା ଦେଖିବାକୁ ମିଳିଥିଲା। କିଙ୍ଗ ଖାନଙ୍କ ଏହି ଷ୍ଟାଇଲ ପ୍ରଶଂସକଙ୍କ ହୃଦୟ ଜିତୁଛି। ତାଙ୍କର ସେହି ସମୟର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଶାହାରୁଖ ତାଙ୍କ ମ୍ୟାନେଜର ପୂଜା ଦାଦଲାନୀଙ୍କ ସହ ବିମାନବନ୍ଦର ପରିସରରେ ପହଞ୍ଚିଥିଲେ। ସୋସିଆଲ ମିଡିଆରେ ଅଭିନେତାଙ୍କର ଅନେକ ଫଟୋ ଏବଂ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ସମ୍ପୂର୍ଣ୍ଣ କଳା ପୋଷାକ ପିନ୍ଧିଥିବାର ନଜର ଆସିଛନ୍ତି। ସେ କଳା ପ୍ୟାଣ୍ଟ ସହିତ ଏକ କଳା ଜ୍ୟାକେଟ ପିନ୍ଧିଥିଲେ ଏବଂ ନିଜ ଲୁକକୁ ବ୍ଲାକ ସେଡ୍ ଏବଂ ହେୟାର ବ୍ୟାଣ୍ଡ ସହିତ କମ୍ପ୍ଲିଟ କରିଥିଲେ। ଭାଇରାଲ ଭିଡିଓରେ ଶାହାରୁଖ ବିମାନବନ୍ଦରରେ ସୁରକ୍ଷା ଯାଞ୍ଚ ପାଇଁ ଧୌର୍ଯ୍ୟର ସହିତ ଅପେକ୍ଷା କରିଥିବା ଦେଖିବାକୁ ମିଳିଛି।
ଯାଞ୍ଚ ବେଳେ ଅଭିନେତା ନିଜର କାଗଜପତ୍ର ଦେଖାଇବା ବେଳେ ବହୁତ ଖୁସ ମିଜାଜ ନଜର ଆସିଥିଲେ। ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପ୍ରଶଂସକମାନେ କମେଣ୍ଟ କରିବା ଆରମ୍ଭ କରିଥିଲେ। ପ୍ରଶଂସକମାନେ ଅଭିନେତାଙ୍କର ନମ୍ର ସ୍ବଭାବର ପ୍ରଶଂସା କରୁଛନ୍ତି। ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଶାହାରୁଖ ଖୁବ ଶୀଘ୍ର ନିର୍ଦ୍ଦେଶକ ରାଜକୁମାର ହିରାନୀଙ୍କ ଆଗାମୀ ଫିଲ୍ମ ‘ଡଙ୍କି’ରେ ନଜର ଆସିବେ। ନିକଟରେ ଫିଲ୍ମର ଟିଜର ଏବଂ ପ୍ରଥମ ଗୀତ ରିଲିଜ ହୋଇଥିଲା, ଯାହା ଦର୍ଶକଙ୍କ ସକାରାତ୍ମକ ପ୍ରତିକ୍ରିୟା ପାଇଛି।