ଅଲ ଆମେରାତ,୧୭।୧୦: ଟି୨୦ କ୍ରିକେଟରେ ସର୍ବାଧିକ ଉଇକେଟ ନେବାର ରେକର୍ଡ ନିଜ ନାମରେ କରିଛନ୍ତି ବାଂଲାଦେଶ ଅଲରାଉଣ୍ଡର ଶାକିବ ଅଲ ହାସନ। ଚଳିତ ଟି୨୦ ବିଶ୍ୱକପ୍ରେ ସ୍କଟଲାଣ୍ଡ ବିପକ୍ଷରେ ରବିବାର ଖେଳାଯାଇଥିବା ମ୍ୟାଚ୍ରେ ଶାକିବ ଦୁଇ ଉଇକେଟ ହାତେଇ ଥିଲେ। ଏଥିସହ ସେ ଶ୍ରୀଲଙ୍କାର କିମ୍ବଦନ୍ତୀ ପେସର ଲାସିଥ ମଲିଙ୍ଗାଙ୍କୁ ପଛରେ ପକାଇ ଦେଇଛନ୍ତି।
ପୂର୍ବରୁ ଟି୨୦ କ୍ରିକେଟରେ ସର୍ବାଧିକ ଉଇକେଟ ନେବାର ରେକର୍ଡ ମଲିଙ୍ଗାଙ୍କ ନାମରେ ଥିଲା। କ୍ରିକେଟରୁ ଅବସର ନେଇ ସାରିଥିବା ଏହି ପେସର ୮୪ ମ୍ୟାଚ୍ରେ ୧୦୭ ଉଇକେଟ ନେଇଥିଲେ। ଶାକିବ କ୍ୟାରିୟରର ୮୯ ତମ ମ୍ୟାଚ୍ରେ ମଲିଙ୍ଗାଙ୍କ ରେକର୍ଡକୁ ଅତିକ୍ରମ କରିଛନ୍ତି।
ଅନ୍ତର୍ଜାତୀୟ ଟି୨୦ କ୍ରିକେଟରେ ଏକମାତ୍ର ଖେଳାଳି ଭାବେ ଶାକିବ ୧୦୦ରୁ ଅଧିକ ଉଇକେଟ ନେବା ସହ ହଜାରେରୁ ଅଧିକ ରନ୍ କରିଛନ୍ତି। ଏପର୍ଯ୍ୟନ୍ତ ସେ ୨୨.୮୯ ହାରରେ ଓ ୧୨୧.୪୧ ଷ୍ଟ୍ରାଇକ୍ ରେଟ୍ରେ ୧୭୬୩ ରନ୍ କରିଛନ୍ତି।