Bangladesh cricket captain Shakib Al Hasan celebrates during the 6th T20 cricket match of NIDAHAS Trophy between Sri Lanka and Bangladesh at R Premadasa cricket ground, Colombo, Sri Lanka on Friday 16 March 2018. (Photo by Tharaka Basnayaka/NurPhoto via Getty Images)
ଢାକା,୪ା୧- ଦୀର୍ଘ ଏକ ବର୍ଷର ବ୍ୟବଧାନ ପରେ କ୍ରିକେଟକୁ ଫେରିବାକୁ ଯାଉଛନ୍ତି ଶାକିବ ଅଲ ହାସନ। ଓ୍ବେଷ୍ଟଇଣ୍ଡିଜ ବିପକ୍ଷ ଦିନିକିଆ ଓ ଟେଷ୍ଟ ସିରିଜ୍ ଲାଗି ବାଂଲାଦେଶ କ୍ରିକେଟ ବୋର୍ଡ (ବିସିବି) ପକ୍ଷରୁ ସୋମବାର ଘୋଷିତ ୨୪ ଜଣିଆ ପ୍ରାରମ୍ଭିକ ଦଳରେ ଏହି ଷ୍ଟାର ଅଲରାଉଣ୍ଡର ସ୍ଥାନ ପାଇଛନ୍ତି। ତାଙ୍କୁ ଉଭୟ ଦିନିକିଆ ଓ ଟେଷ୍ଟ ଦଳରେ ଯାଗା ମିଳିଛି।
ଗତବର୍ଷ ତାଙ୍କୁ ଆଇସିସି ଦୁର୍ନୀତି ନିୟମ ଭଙ୍ଗ କରିବା ପାଇଁ ୧୨ଟି ଅନ୍ତର୍ଜାତୀୟ ମ୍ୟାଚ୍ରୁ ବ୍ୟାନ କରାଯାଇଥିଲା। ମ୍ୟାଚ୍ ଫିକ୍ସିଂ କରି ନ ଥିଲେ ମଧ୍ୟ ବୁକିମାନେ ତାଙ୍କୁ ଯୋଗାଯୋଗ କରିଥିଲେ। ବୁକିଙ୍କ ପ୍ରସ୍ତାବକୁ ସେ ଗ୍ରହଣ କରି ନ ଥିଲେ। ହେଲେ ଏ ସମ୍ପର୍କରେ ଆଇସିସିକୁ ଜଣାଇ ନ ଥିଲେ। ତାଙ୍କୁ ଏକ ତ୍ରିରାଷ୍ଟ୍ରୀୟ ସିରିଜ୍ ଓ ଆଇପିଏଲ ମ୍ୟାଚ୍ରେ ସ୍ପଟ୍ ଫିକ୍ସିଂ କରିବାକୁ ପ୍ରସ୍ତାବ ମିଳିଥିଲା।