କଲୋମ୍ବିଆ: ପପ୍ ଷ୍ଟାର ଶାକିରା ଇସାବେଲ୍ ମେବାରକ୍ ରିପୋଲ୍ ବାର୍ହା ଆକ୍ରମଣର ଶିକାର ହୋଇଛନ୍ତି। କଲୋମ୍ବିଆନ୍-ଲେବାନିଜ୍ ସିଙ୍ଗର ଶାକିରା ନିଜ ୮ ବର୍ଷର ପୁଅ ମିଲାନଙ୍କ ସହ ବାର୍ସେଲୋନା ପାର୍କରେ ଚାଲି ଚାଲି ଯାଉଥିବାବେଳେ ତାଙ୍କୁ ଦୁଇଟି ହିଂସ୍ର ବାର୍ହା ଟାର୍ଗେଟ କରିଥିଲେ। ବାର୍ହା ତାଙ୍କ ହ୍ୟାଣ୍ଡବେଗ୍ ଛଡ଼ାଇନେଇଥିଲେ। ବ୍ୟାଗ୍ ସହ ସେଥିରେ ଥିବା ମୋବାଇଲ ଫୋନ୍କୁ ମଧ୍ୟ ଦୁଇଜନ୍ତୁ ନଷ୍ଟ କରିଦେଇଥିଲେ। ଦୁଇ ସନ୍ତାନଙ୍କ ମା’ ୪୪ ବର୍ଷୀୟା ଶାକିରା ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଆକ୍ରମଣ ବେଳର ଭୟଙ୍କର ଭିଡିଓ ଫୁଟେଜ୍ ଶେୟାର କରିଛନ୍ତି। ହିଂସ୍ର ବାରହାମାନେ ଖାଦ୍ୟ ଅନ୍ବେଷଣରେ ସହରମୁହାଁ ହେଉଥିବାବେଳେ ଲୋକଙ୍କୁ ଆକ୍ରମଣ କରୁଛନ୍ତି। ତେବେ ମା’ପୁଅ ସୁରକ୍ଷିତ ଥିବା ଜଣାପଡ଼ିଛି।
